Maharashtra Weather : छत्र्या काढा रे, राज्यात पाऊस घालणार धिंगाणा, 'या' जिल्ह्यांना अलर्ट

हे ही वाचा : मुंबई: महिलेचा लग्नास नकार, होणाऱ्या सुनेनं सासूचे मॉर्फ फोटो व्हायरल केले अन्..

कोकण 

कोकण विभागातील पालघर जिल्ह्यात हलका ते मध्यम पावसाची शक्यता आहे. ठाणे, मुंबईमध्ये तुरळक ठिकाणी विजांच्या कडकडाटासह हलका ते मध्यम स्वरुपाच्या पावसाचा अंदाज आहे. या दोन शहरांना पावसाचा यलो अलर्ट वर्तवला आहे. रायगड, रत्नागिरी जिल्ह्यांत विजांचा कडकडाट, सोसाट्याचा वारा आणि काही ठिकाणी मुसळधार पावसासह वादळाची शक्यता आहे. तसेच सिंधुदुर्गमध्ये मुसळधार पावसाची शक्यता वर्तवण्यात आली असून यलो अलर्टचा अंदाज आहे. 

उत्तम महाराष्ट्र 

उत्तर महाराष्ट्रातील धुळे, नंदुरबार, जळगाव या जिल्ह्यांत विजांच्या कडकडाटासह हलका ते मध्यम पावसाचा अंदाज आहे. अहिल्यानगर जिल्ह्यांत देखील पावसाचा यलो अलर्टचा अंदाज वर्तवण्यात आला आहे. 

पश्चिम महाराष्ट्र 

पश्चिम महाराष्ट्रातील पुणे, सातारा, सांगली आणि सोलापूर या जिल्ह्यांत विजांच्या कडकडाटासह पावसाचा ऑरेंज अलर्ट वर्तवण्यात आला. कोल्हापूरमध्ये देखील हिच स्थिती असून यलो अलर्टचा अंदाज आहे. 

मराठवाडा 

मराठवाडा या विभागातील छत्रपती संभाजीनगर, जालना, परभणी, बीड, हिंगोली आणि नांदेड या जिल्ह्यांत पावसाचा यलो अलर्ट वर्तवण्यात आला. तसेच लातूर आणि धाराशिव या जिल्ह्यांत पावसाचा ऑरेंज अलर्ट वर्तवण्यात आला. 

हे ही वाचा : मुंबई लोकलमध्ये मर्डर करणाऱ्या आरोपीला पोलिसांनी उचललं

विदर्भ 

अकोला, अमरावती, बुलढाणा, भंडारा, गडचिरोली, गोंदिया नागपूर आणि वर्धा या जिल्ह्यांत पावसाचा यलो अलर्टचा अंदाज वर्तवला. तसेच चंद्रपूर आणि यवतमाळ जिल्ह्यात पावसाचा ऑरेंज अलर्ट वर्तवलेला आहे.