Maharashtra Weather : राज्यात पुन्हा वारं फिरलं, 'या' जिल्ह्यांत पाऊस घालणार थैमान, IMD चा अलर्ट जारी

हे ही वाचा : पुण्याची गोष्ट : 'मिसिंग लिंक'ला 'या' नेत्याचे नाव देण्याची मागणी

कोकण 

कोकण विभागातील ठाणे, रायगड, रत्नागिरी, मुंबई आणि सिंधुदुर्ग या जिल्ह्यांमध्ये हवामान उष्ण आणि दमट राहील अशी शक्यता वर्तवली. याच विभागात समुद्रकिनारपट्टी भागात आर्द्रतेने उकाडा अधिक जाणवेल, असा अंदाज आहे. 

पश्चिम महाराष्ट्र 

पश्चिम महाराष्ट्रात पुणे, सातारा, सांगली, कोल्हापूर आणि सोलापूर जिल्ह्यात हवामान हे प्रामुख्याने कोरडं राहण्याची अधिक शक्यता आहे. दुपारी अधिक उन्हाचा चटका जाणवेल आणि उष्णतेचे वारे वाहणार आहे. 

उत्तर महाराष्ट्र 

उत्तर महाराष्ट्रात नाशिक, धुळे, नंदुरबार या जिल्ह्यांमध्ये उन्हाचा अधिक पारा वाढणार आहे. या विभागात एकूण हवामान कोरडं राहण्याची अधिक शक्यता आहे. 

मराठवाडा 

मराठवाडा या विभागातील छत्रपती संभाजीनगर, लातूर, धाराशिव, बीड, परभणी, नांदेड, जालना आणि हिंगोलीमध्ये उष्णतेची अधिक तीव्रता जाणवेल. बहुतांश परिसरात हवामान कोरडं राहणार आहे. 

हे ही वाचा : तिहेरी हत्याकांडानं सोलापूर हादरलं, आई आणि मुलीचा मृतदेह घराच्या गच्चीवर; तर मुलगा रक्ताच्या थारोळ्यात

विदर्भ 

विदर्भ विभागात यवतमाळ, वर्धा, गडचिरोली आणि चंद्रपूर या जिल्ह्यांना अवकाळी पावसाचा यलो अलर्ट जारी करण्यात आला आहे.  तसेच अमरावती, अकोला, बुलढाणा आणि वाशिम जिल्ह्यांत उष्णतेचा प्रभाव वाढण्याची शक्यता आहे.