पाकिस्तानतील सुप्रीम कोर्टाच्या इमारतीत मोठा स्फोट, 12 जण गंभीर जखमी; नेमकं काय घडलं?

सर्वोच्च न्यायालयाच्या किचनमध्ये एसींच्या दुरुस्तीदरम्यान स्फोट 

पाकिस्तानच्या Samaa TV चॅनेलने दिलेल्या माहितीनुसार, सूत्रांनी पुष्टी केली आहे की, स्फोट इमारतीच्या सेंट्रल एअर कंडिशनिंग सिस्टमच्या दुरुस्ती दरम्यान झाला. अचानक झालेल्या या स्फोटामुळे सर्वोच्च न्यायालयाच्या इमारतीत मोठी गोंधळाची परिस्थिती निर्माण झाली. स्फोटाचे कंपन इतके तीव्र होते की संपूर्ण इमारत हादरली. त्यामुळे वकील, न्यायाधीशांचे कर्मचारी आणि इतर अधिकारी घाबरून बाहेर धावले.

हेही वाचा : स्थानिक स्वराज्य संस्थांच्या निवडणुका जाहीर होण्याची शक्यता असतानाच मंत्रिमंडळ बैठकीत 21 धडाकेबाज निर्णय!

स्थानिक वृत्तांनुसार, या स्फोटात कोर्ट क्रमांक 6 चे मोठे नुकसान झाले आहे. स्फोट होण्यापूर्वी न्यायमूर्ती अली बाकर नजफी आणि न्यायमूर्ती शाहजाद मलिक या कोर्टात सुनावणी घेत होते. जखमी झालेले बहुतांश कर्मचारी हे एसी दुरुस्तीच्या कामात गुंतलेले होते. त्यांना तत्काळ जवळच्या रुग्णालयात उपचारासाठी दाखल करण्यात आले आहे. स्फोटाचे नेमके कारण शोधण्यासाठी चौकशी सुरू आहे. माहितीनुसार, तळमजल्यातील कँटीन केवळ सर्वोच्च न्यायालयातील कर्मचाऱ्यांसाठी राखीव आहे.

दोन जणांची प्रकृती गंभीर चिंताजनक 

सर्वोच्च न्यायालयाबाहेर पत्रकारांशी बोलताना इस्लामाबादचे आयजीपी अली नासिर रिजवी यांनी सांगितले की, गेल्या काही दिवसांपासून कँटीनमध्ये गॅस लीक होत होता. त्यांनी स्पष्ट केले की, स्फोट एसी दुरुस्तीच्या दरम्यान झाला. तज्ज्ञांनीही याची पुष्टी केली आहे की, हा गॅस स्फोट होता. पोलिस प्रमुखांनी सांगितले की, एकूण 12 जण जखमी झाले आहेत त्यापैकी दोन जणांची प्रकृती गंभीर आहे.

इतर महत्त्वाच्या बातम्या 

असीम सरोदेंची सनद 3 महिन्यांसाठी रद्द झाल्यानंतर उद्धव ठाकरे संतापले, भगतसिंग कोश्यारींचं नाव न घेता म्हणाले...