वाढदिवशी घडली थरारक घटना! केवळ 50 रुपयांवरून वाद पेटला अन् थेट मित्राच्या पोटात चाकूने... नेमकं काय घडलं?

टाइम्स ऑफ इंडियाच्या रिपोर्टनुसार, बिट्टू सिंह अवधिया नावाच्या तरुणाचा वाढदिवस साजरा करण्यासाठी त्याच्या मित्रांनी चांगला प्लॅन बनवला होता. त्या दिवशी ते सगळे तिरुपति सर्कल जवळ एका हॉटेलमध्ये जमा झाले. याआधी ते सर्व मित्र Althan येथे गेले होते आणि तिथे सर्वांनी वाढदिवसाच्या खर्चासाठी काही रक्कम गोळा केली होती.

50 रुपये परत मागितले अन्...

सर्व जण हॉटेलमध्ये गेल्यानंतर, अनिल राजभर नावाच्या मित्राने बिट्टूकडे 50 रुपये परत मागितले आणि पार्टीमध्ये सहभागी होण्यास नकार दिला. याच गोष्टीवरून दोघांमध्ये वाद वाढत गेला. रागाच्या भरात बिट्टूने चाकू बाहेर काढला. त्यावेळी त्याने त्याचे मित्र अनिल आणि भगत सिंहवर हल्ला केला. हल्ला केल्यानंतर, भगत सिंहला रुग्णालयात नेतानाच मृत घोषित करण्यात आलं तसेच, अनिलवर अद्याप रुग्णालयात उपचार सुरू आहेत. 

हे ही वाचा: "तब्बल 'इतकी' मते वगळण्याचा प्रयत्न..." राहुल गांधींनी निवडणूक आयोगाला केलं टार्गेट, पत्रकार परिषदेत काय म्हणाले?

पांडेसरा पोलिसांनी प्रकरणासंदर्भात दिलेल्या माहितीनुसार, संबंधित घटनेची माहिती मिळताच पोलीस तातडीने घटनास्थळी पोहोचले आणि काही मिनिटांतच बिट्टू आणि त्याचा एक मित्र चंदनला अटक करण्यात आली. 

नेमकं काय घडलं? 

खरंतर, भगत सिंह मंगळवारी रात्री बिट्टूचा वाढदिवस साजरा करण्यासाठी घराबाहेर पडला होता. त्याआधी बिट्टू, भगत सिंह, अनिल, चंदन दुबे, चंद आणि जिगर सिंह Althan ला गेले होते. त्यानंतर, मध्यरात्री एका हॉटेलमध्ये बिट्टूचा वाढदिवस साजरा करण्याचं त्यांनी ठरवलं. अशातच, एका दुकानावर अनिल आणि बिट्टूमध्ये वाद झाला. त्यावेळी अनिलने 50 रुपये परत मागितले. 

हे ही वाचा: 4 वर्षांच्या चिमुकलीवर कर्मचाऱ्यांकडून शारीरिक अत्याचार! मुंबईतील शाळेत घडला धक्कादायक प्रकार...

रागाच्या भरात भगत सिंहने बिट्टूवर वायपर रॉडने हल्ला केला, पण तो चुकून एका दुसऱ्याच मित्राला लागला. या घटनेमुळे संतापलेल्या बिट्टूने चाकून काढून भगत सिंहच्या पाठीत हल्ला केला. त्यावेळी, अनिल बचावासाठी मध्ये आला असता चंदनने त्याला थांबवलं मात्र, बिट्टूने अनिलच्या छातीवर आणि हातावर चाकूने वार केले आणि तिथून तो फरार झाला. 

​​​​​​​