कमल भाभीनंतर आता 'या' दोघी... अश्लील व्हिडिओ करतात असं म्हणणारा 'तो' कोण नेमकं प्रकरण काय?

बब्बर खालसा इंटरनॅशनलने या बंदी घातलेल्या दहशतवादी संघटनेने धमकी देताना असंही लिहिलं आहे की, 'घराबाहेर पडण्यापूर्वी विचार करा.' या धमकीनंतर अमृतसर पोलिसांच्या सायबर सेलने मेहरोनविरुद्ध गुन्हा दाखल केला आहे, तर दीपिका लुथराच्या सुरक्षेसाठी पोलीस कर्मचारी तैनात करण्यात आले आहेत.

हे ही वाचा>> कमल भाभीची हत्या... तो आरोपी कोण? खळबळजनक प्रकरणाची देशभर चर्चा

दीपिकाला ज्या ईमेल आणि मोबाइल नंबरवरून धमक्या मिळत आहेत त्यांचीही पोलीस चौकशी करत आहेत. अमृतसरचे पोलीस आयुक्त गुरप्रीत सिंग भुल्लर यांनी याची पुष्टी केली आहे. भुल्लर म्हणाले की, ई-मेल पाठवणाऱ्याने दीपिका लुथरा अजूनही आक्षेपार्ह व्हिडिओ अपलोड करत असल्याचे म्हटले आहे आणि तिला तिच्या घराबाहेर पडू नये असा इशारा दिला आहे. ई-मेलमध्ये म्हटले आहे की, खालसा लोक तिच्यावर लक्ष ठेवून आहेत आणि संधी मिळाल्यावर ते तिलाही ठार मारतील.

प्रीत जट्टीलाही पोलीस संरक्षण मिळणार

त्याच ई-मेलमध्ये तरन तारण जिल्ह्यातील युट्यूबर प्रीत जट्टीलाही जीवे मारण्याची धमकी देण्यात आली आहे. तरन तारण जिल्ह्यातील युट्यूबर प्रीत जट्टी उर्फ सिमरनजीत कौर हिने दावा केला आहे की, तिला परदेशी नंबरवरून धमक्या येत आहेत आणि तिच्या जीवाला धोका आहे. सिमरनजीतचे प्रीत जट्टीच्या नावाने एक सोशल मीडिया अकाउंट आहे. 

एसएसपी कार्यालयात पोहोचलेल्या सिमरनजीतने सांगितले की, तिला परदेशी नंबरवरून जीवे मारण्याच्या धमक्या येत आहेत. तथापि, तिने अद्याप असा कोणताही आक्षेपार्ह व्हिडिओ पोस्ट केलेला नाही. तिच्या तक्रारीवर, एसपी (आय) अजयराज सिंह यांनी उपविभाग गोइंदवाल साहिबचे डीएसपी अतुल सोनी यांना चौकशी करण्याचे आदेश दिले आहेत. तिला सुरक्षा पुरवण्याचे आदेश देखील देण्यात आले आहेत.

हे ही वाचा>> वासनांध तरूण महिलेसोबत नको ते करायला गेला, महिलेने तरुणाचं गुप्तांगच कापलं!

'माझ्याकडे फक्त दोन दिवस शिल्लक आहेत'

धमकी मिळाल्यानंतर, सिमरनजीत उर्फ प्रीत कौर सोशल मीडियावरील लाईव्ह व्हिडिओमध्ये रडत म्हणाली की, 'तिला एका नवीन नंबरवरून कॉल करून त्रास दिला जात आहे आणि तिला फक्त 2 दिवस शिल्लक आहेत अशी धमकी दिली जात आहे. माझे 5 महिन्यांचे बाळ आहे. मी माझ्या कुटुंबाचे पालनपोषण करण्यासाठी काम करत आहे, घरी माझ्यावर अनेक जबाबदाऱ्या आहेत, हे लोक येऊन खर्च उचलतील का?' 

प्रीत जट्टी पुढे म्हणाली की, तिने केलेल्या चुकांबद्दल तिने आधीच माफी मागितली आहे. तिने अमृतपाल सिंग मेहरोन यांची भेट घेतली आणि माफी मागितली पण तरीही तिला त्रास दिला जात आहे आणि जीवे मारण्याची धमकी दिली जात आहे.