हे ही वाचा : वीट भट्टीवर काम करणाऱ्या विधवा महिलेवर 12 तास बलात्कार, मालकाचे कृत्य; पोलिस कारवाई करायला घाबरले

पाच वर्षांपासून प्रेमसंबंध

उत्तर प्रदेशातील बागपत जिल्ह्यातील ही घटना आहे. पूजा नावाच्या महिलेचे 8 वर्षांपूर्वी पंकज नावाच्या तरुणाशी लग्न झाले होते आणि त्यांना दोन मुलेही आहेत. सुखाचा संसार सुरु असतानाच पूजाचे तिच्या पुतण्याशी प्रेमसंबंध जुळले. गेल्या 5 वर्षांपासून हे दोघे लपून-छपून भेटत होते. 14 फेब्रुवारी रोजी व्हॅलेंटाईन्स डेच्या निमित्ताने हे दोघे एकत्र असताना कुटुंबीयांनी त्यांना रंगेहाथ पकडले, ज्यामुळे घरात मोठा राडा झाला.

पोलिस स्टेशनमध्ये काय घडले?

वादाचे रूपांतर हाणामारीत झाल्यानंतर हे प्रकरण पोलीस ठाण्यापर्यंत पोहोचले. पती पंकज, पत्नी पूजा आणि तो पुतण्या तिघेही पोलीस ठाण्यात हजर झाले. तिथे बराच वेळ समजुतीचा प्रयत्न करण्यात आला, मात्र पत्नी आपल्या प्रियकर पुतण्यासोबत राहण्यावर ठाम होती. अखेर कोणताही मार्ग निघत नसल्याचे पाहून पती पंकजने अत्यंत कठोर आणि अनपेक्षित निर्णय घेतला. त्याने स्वतः पुढाकार घेऊन पोलीस ठाण्याच्या परिसरातच आपल्या पत्नीचे लग्न स्वतःच्या पुतण्याशी लावून दिले.

हे ही वाचा : संतापजनक, 14 वर्षीय मुलीसोबत बाप अन् चुलत भावासह मामाने सलग 4 वर्ष..., तुमच्याही तळपायाची आग मस्तकात जाईल!

कोणतीही तक्रार नाही

पोलीस ठाण्यातच दोघांनी एकमेकांना हार घातले आणि पती पंकजने त्यांना रवाना केले. हे विचित्र दृश्य पाहून पोलीस आणि तिथे उपस्थित असलेले नागरिकही थक्क झाले. याप्रकरणी पोलिसांनी सांगितले की, कोणत्याही पक्षाने लेखी तक्रार दिलेली नाही आणि हा वाद आपापसात सामंजस्याने सोडवण्यात आला आहे. मात्र, या अनोख्या लग्नामुळे सामाजिक मर्यादा आणि कौटुंबिक नात्यांबद्दल परिसरात उलटसुलट चर्चा रंगली आहे.