हे ही वाचा : चंद्रपूर : तरुणीचे बॉयफ्रेंडशी प्रेमसंबंध अन् लग्न दुसऱ्याशी, प्रियकराने नवऱ्याला 'ते' फोटो पाठवले, नंतर कपडे काढून मारलं

दोन संशयित ताब्यात

नसीर अली बेपत्ता झाल्यानंतर दुसऱ्याच दिवशी त्यांची मोटारसायकल एका कालव्यात सापडली होती. या घटनेमुळे स्थानिक नागरिकांमध्ये प्रचंड संताप निर्माण झाला. पोलिसांनी तपासात दिरंगाई केल्याचा आरोप करत संतप्त जमावाने रास्ता रोको करत जोरदार निदर्शने केली. परिस्थितीचे गांभीर्य ओळखून पोलिसांनी तपासाची चक्रे वेगाने फिरवली आणि दोन दिवसांत रिजवान हसन मंडल आणि सागर गेन या दोन संशयितांना अटक केली. यातील मंडल हा  बूथ लेव्हल ऑफिसर  म्हणून कार्यरत आहे.

विविध कालव्यांमध्ये मृतदेहाचे तुकडे

पोलिस कोठडीत असलेल्या दोन्ही आरोपींची कसून चौकशी केल्यानंतर या भीषण हत्याकांडाचा उलगडा झाला. आरोपींनी दिलेल्या माहितीनुसार, पोलिसांनी बादुरिया परिसरातील विविध कालव्यांमध्ये शोध मोहीम राबवली. अनेक तासांच्या शोध कार्यानंतर नसीर अली यांच्या मृतदेहाचे छिन्नविच्छिन्न तुकडे पोलिसांच्या हाती लागले. हे दृश्य पाहून परिसरात पुन्हा एकदा तणावाचे वातावरण निर्माण झाले आहे.

हे ही वाचा : रक्ताच्या थारोळ्यात व्हॅलेंटाईन्स डे! कारमध्ये सापडला प्रेमीयुगुलाचा मृतदेह; कोणी घातल्या गोळ्या?

अनैतिक संबंधातून हत्या

या हत्येचे नेमके कारण अद्याप स्पष्ट झाले नसले तरी, प्राथमिक तपासात अनैतिक संबंधांतून हा प्रकार घडल्याचा संशय पोलिसांनी व्यक्त केला आहे. नसीर अली यांच्या पत्नीचे कोणाशी तरी प्रेमसंबंध होते आणि त्यातूनच त्यांची हत्या करण्यात आली असावी, अशी शक्यता वर्तवण्यात येत आहे. पोलिस सध्या सर्व बाजूंनी तपास करत असून या गुन्ह्यात आणखी कोणाचा सहभाग आहे का, याचा शोध घेत आहेत.