वाढदिवसाचा बहाणा अन्...

मिळालेल्या माहितीनुसार, आरोपी पोलीस कर्मचारी आधीपासूनच या अल्पवयीन विद्यार्थिनीच्या संपर्कात होता. त्याने मुलीच्या वाढदिवसाचा बहाणा करून तिला आपल्या घरी बोलावले. त्याच्यावर विश्वास ठेवून विद्यार्थिनी तिथे पोहोचली; मात्र तिथे पोहोचताच आरोपीने तिला डांबून ठेवले आणि तिच्यावर बलात्कार केला. या संपूर्ण प्रकारात आरोपीचा दुसरा आरक्षक-मित्र आपल्या चार वर्षांच्या मुलासह घराबाहेर पहारा देत उभा होता, जेणेकरून आत चाललेल्या प्रकाराची कोणालाही कुणकूण लागू नये.

हे ही वाचा : 'सत्ताधारी खासदारांची मुलं सांगताहेत तुमचं चुकतंय' विशाल पाटलांनी सांगितल्या आतल्या गोष्टी!

आणि कुटुंबिय हादरले

या घटनेतून कशीबशी सुटका करून घेऊन पीडित मुलगी आपल्या घरी पोहोचली आणि तिने घडलेला सर्व प्रकार कुटुंबीयांना सांगितला. संतप्त कुटुंबीयांनी तत्काळ तिला घेऊन पोलीस ठाणे गाठले आणि तक्रार दाखल केली. या प्रकरणाचे गांभीर्य लक्षात घेऊन पोलिसांनी भारतीय न्याय संहितेच्या (BNS) संबंधित कलमांखाली गुन्हा दाखल करून तपास सुरू केला आहे. पोलिसांनी पीडितेची वैद्यकीय तपासणी करून तिचा जबाब नोंदवला आहे, तसेच फॉरेन्सिक टीमच्या मदतीने घटनास्थळावरून आवश्यक पुरावे गोळा केले आहेत.

हे ही वाचा : तुम्ही 3 मिनिटं VIDEO पाहिला, पण मोदीजी कोणतीही गोष्ट सहज नाहीत करत! 'हा' फॉर्म्युला पार चक्रावून टाकेल

दोघांना अटक

अतिरिक्त पोलीस उपआयुक्तांनी दिलेल्या माहितीनुसार, जहांगीराबाद पोलीस ठाण्याच्या हद्दीत अल्पवयीन विद्यार्थिनीवर झालेल्या या अत्याचाराच्या प्रकरणात SAF बटालियनमधील दोन पोलीस कर्मचारी दोषी आढळले आहेत. पीडितेच्या तक्रारीवरून दोन्ही आरोपींना तात्काळ अटक करण्यात आली आहे. या प्रकरणाचा सर्व बाजूंनी निष्पक्ष आणि सखोल तपास सुरू असून, तपासात निष्पन्न होणाऱ्या तथ्यांच्या आधारे आरोपींवर कठोर कायदेशीर कारवाई केली जाईल, असे प्रशासनाकडून स्पष्ट करण्यात आले आहे.