महिलेने क्रूरतेची सीमा गाठली, तिसऱ्या पतीला जिवंत जाळलं, असं काय घडलं?

हेही वाचा : मुंबईची खबर : बीएमसी मुख्यालयातील कॅन्टीनला FDA चा दणका! 50 हजारांचा दंड, कारण काय?

लग्नानंतर करत होती ब्लॅकमेल

या प्रकरणातील महत्त्वाची माहिती मृत हृदेश तिवारी यांची मुलगी सोनम हिने पोलिसांना दिलेल्या तक्रारीतून समोर आली आहे. सोनमच्या म्हणण्यानुसार, तिच्या सख्ख्या आईचे 2023 मध्ये निधन झाले होते. त्यानंतर ऑक्टोबर 2024 मध्ये हृदेश तिवारी यांनी रानू नावाच्या महिलेशी कोर्ट मॅरेज केले होते. रानूचेही हे तिसरे लग्न होते. यापूर्वी तिच्या एका पतीचा मृत्यू झाला होता, तर दुसऱ्या पतीने तिला सोडून दिले होते. लग्नानंतर रानू सतत हृदेश तिवारी यांना ब्लॅकमेल करत होती आणि पैसे तसेच मालमत्ता तिच्या नावावर करण्यासाठी दबाव टाकत होती, असा आरोप सोनमने आपल्या तक्रारीत केला आहे. या दबावामुळे हृदेश तिवारी यांनी अर्धा बिस्वा प्लॉट तिच्या नावावर करण्यास तयारी दर्शवली होती.

हेही वाचा : 'डोळा वाचेल की नाही... शरीरावर भयंकर वळ अन् पॅलेट गनचा मारा...', 'त्या' पोराला राहुल गांधींनी आणलं समोर!

ज्वलनशील पदार्थ टाकून आग लावली

सोनमच्या तक्रारीनुसार, गुरुवारी त्या प्लॉटची नोंदणी होणार होती. त्याच दिवशी ही संपूर्ण घटना घडली. दुपारच्या सुमारास हृदेश तिवारी बाथरूममध्ये गेले असताना रानू आणि तिच्या माहेरहून आलेल्या नातेवाईकांनी त्यांच्यावर ज्वलनशील पदार्थ टाकून आग लावली, असा आरोप करण्यात आला आहे. हृदेश तिवारी जळत असल्याचे पाहून परिसरातील लोक घटनास्थळी धावले. त्यावेळी स्वतःवर संशय येऊ नये म्हणून रानूने आग विझवण्याचा प्रयत्न केल्याचे नाटक केल्याचा आरोपही सोनमने केला आहे. या घटनेत रानू किरकोळ भाजली असून तिच्यावर सध्या जिल्हा रुग्णालयात उपचार सुरू आहेत.

या घटनेबाबत सदर कोतवालीचे प्रभारी चंद्रकांत यांनी सांगितले की, मृत हृदेश तिवारी यांची मुलगी सोनम हिने दिलेल्या लेखी तक्रारीच्या आधारे सावत्र आई रानूविरोधात संबंधित कलमांनुसार गुन्हा दाखल करण्यात आला आहे. आरोपी महिलेवर पोलिसांच्या ताब्यात उपचार सुरू असून या प्रकरणाचा सखोल तपास केला जात आहे. पोलिसांनी या संपूर्ण घटनेतील सर्व पैलूंची चौकशी सुरू केली असून पुढील तपासानुसार आवश्यक ती कायदेशीर कारवाई करण्यात येणार आहे.