15 वर्षांच्या अल्पवयीन मुलीचा बॉयफ्रेंडला नेमका कसला आलेला राग? गर्लफ्रेंडला भर मार्केटमध्ये संपवलं...

मैत्रिणीसोबत गेली बाजारात अन्...

मिळालेल्या प्राथमिक माहितीनुसार, एक 15 वर्षीय अल्पवयीन मुलगी तिच्या मैत्रिणीसोबत जहांगीरपुर बाजारात स्नॅक्स आणण्यासाठी गेली होती. रात्री 8:10 वाजताच्या सुमारास पीडितेचा प्रियकर बाजारात पोहचला आणि तिच्यावर गोळ्या झाडून तिची हत्या केली. 

भर बाजारात प्रेयसीवर गोळ्या...

प्रकरणातील आरोपी प्रियकराचं नाव आर्यन असल्याची माहिती समोर आली आहे. प्रेयसी बाजारात गेल्याचं कळताच आरोपी त्याच्या मित्रासोबत घटनास्थळी पोहचला. त्यावेळी बाजारातील डी-ब्‍लॉक परिसरातील डॉ. केके महाजन क्लिनिक समोर आपल्या प्रेयसीवर गोळ्या झाडल्या. 

हे ही वाचा: 6 महिन्यात 7 वेळा शिक्षण विभाग तोंडघशी कसा पडलाय, शिक्षण विभागात खेळखंडोबा का?

2 ते 3 गोळ्या झाडल्याची माहिती 

पीडितेला गोळी लागताच तिला तातडीने जहांगीरपुरच्या बीजेआरएम रुग्णालयात नेण्यात आलं. मात्र, त्यावेळी डॉक्टरांनी तिला मृत घोषित केलं. 

हे ही वाचा: Personal Finance: दररोज 45 रुपये गुंतवून व्हा लखपती, 'ही' स्कीम देईल विमा आणि बोनसही!

पीडितेला 2 ते 3 गोळ्या लागल्या असून तिचा जागी मृत्यू झाला. त्यानंतर ती मृतावस्थेत असतानाच तिला रुग्णालयात नेण्यात आलं. पोलिसांनी पोस्टमॉर्टमसाठी मृतदेह बीजेआरएम रुग्णालयातच ठेवला असल्याची माहिती आहे. तसेच, पोलिसांनी घटनेसंबंधी गुन्हा दाखल केला असून पुढील तपास सुरू असल्याची माहिती त्यांनी दिली.