23 वर्षीय प्रेयसीसोबत हॉटेलमध्ये गेला अन्...

हा मृत तरुण आणि त्याची 23 वर्षीय प्रेयसी गेल्या सहा महिन्यांपासून एकमेकांसोबत रिलेशनशिपमध्ये होते आणि यापूर्वीही त्यांनी अनेकदा वेगवेगळ्या हॉटेल्समध्ये एकत्र मुक्काम केला होता, अशी माहिती पोलिसांनी दिली आहे. पोलिसांच्या प्राथमिक तपासानुसार, मंगळवारी (7 जुलै) रात्री हॉटेलच्या खोलीत दोघांनी मद्यप्राशन केले होते. याच दरम्यान तरुणाच्या मोबाईलवर आलेल्या एका फोन कॉलमुळे दोघांमध्ये जोरदार वाद सुरू झाला. या वादानंतर परिस्थिती अधिक बिघडल्याचे समोर आले आहे. छत्तीसगडच्या भिलाई परिसरातील ही घटना आहे.

हे ही वाचा : घरात डोकावून पाहिल्याचा राग, क्षणात घेतला जीव; पाचगणीतील थरारक खुनाचा उलगडा

प्रेयसीने केले स्वत:च्या हातावर वार

पोलिसांनी दिलेल्या माहितीनुसार, वादाच्या दरम्यान ती तरूणी प्रचंड भावनिक तणावाखाली आली आणि तिने स्वतःच्या हातावर ब्लेडने वार करून स्वतःला जखमी करून घेतले. अतिमद्यप्राशन आणि दुखापतीमुळे ती तरूणी नंतर खोलीतच बेशुद्ध पडली. ती बेशुद्ध असतानाच्या काळातच, प्राथमिक दृष्ट्या त्या तरुणाने छताच्या पंख्याला गळफास लावून आत्महत्या केल्याचे दिसून येत आहे. दुसऱ्या दिवशी सकाळी जेव्हा तरूणी शुद्धीवर आली, तेव्हा तिला तो पंख्याला लटकलेल्या अवस्थेत आढळला. तिने त्याला खाली उतरवून त्याच्या मित्रांना माहिती दिली, ज्यानंतर त्याला एका खाजगी रुग्णालयात नेण्यात आले, मात्र तेथील डॉक्टरांनी त्याला मृत घोषित केले.

हे ही वाचा : कर्ज काढून सख्ख्या बहिणीला दिले 55 लाख, तिनेच पाठीत खंजीर खुपसला, शेवटी घडलं भयानक

हत्या केल्याचा आरोप

दुसरीकडे, मृत तरुणाच्या कुटुंबीयांनी आत्महत्येचा हा दावा पूर्णपणे फेटाळून लावला असून तरूणीनेच त्याची हत्या केल्याचा आरोप केला आहे. तरुणाच्या भावाने दावा केला आहे की, त्याच्या शरीरावर अनेक जखमांच्या खुणा होत्या, त्यामुळे तो स्वतःचे जीवन संपवूच शकत नाही. याशिवाय, या तरूणीने भूतकाळातही त्याला मारहाण केल्याचा आरोप कुटुंबीयांनी केला असून, तरुणाच्या मृत्यूनंतरही ती अनेक तास त्या हॉटेलच्या खोलीतच का थांबून राहिली, असा सवाल त्यांनी उपस्थित केला आहे. पोलिसांनी कुटुंबीयांचे हे सर्व दावे तपासाचा भाग म्हणून पडताळून पाहिले जात असल्याचे सांगितले आहे.