पोलिसाच्या पत्नीने बहिणीला मोबाईलचा पासवर्ड पाठवला, अन् पुढे सर्वांची झोप उडाली

हेही वाचा : विद्यार्थ्याने प्रेमप्रकरणातून शिक्षिकेवर पेट्रोल ओतून जाळलं, एवढ्यावर न थांबता..

अखेरच्या क्षणी पाठवलेला मेसेज आणि पोलिसांची कारवाई

लग्नानंतर लक्ष्मी प्रियाने एका मुलीला जन्म दिला आणि प्रसूतीनंतर ती सुमारे सहा महिने आपल्या माहेरी राहिली होती. ती पुन्हा सासरी परतल्यानंतर परिस्थिती अधिकच बिघडत गेली. तिच्या मृत्यूच्या काही काळ आधी, 22 मे रोजी दुपारी 2:31 वाजता तिने आपल्या धाकट्या बहिणीला (जयश्रीला) तिच्या मोबाईलचा पासवर्ड व्हॉट्सअ‍ॅपवर पाठवला होता. हा मेसेज मिळताच कुटुंबीयांनी तिच्याशी वारंवार संपर्क साधण्याचा प्रयत्न केला, परंतु प्रतिसाद मिळाला नाही. त्यानंतर पती राजेशला संपर्क साधला असता त्याने लक्ष्मी प्रियाचा मृत्यू झाल्याची माहिती दिली.

हेही वाचा : नर्सचा मर्डर करुन बॉडी रुग्णालयात आणून टाकली, सुफियानच्या एका हट्टामुळे भयंकर घडलं!

पीडितेच्या कुटुंबीयांनी दाखल केलेल्या तक्रारीत हुंड्याशी संबंधित छळ आणि मानसिक अत्याचाराचा उल्लेख आहे. या तक्रारीच्या आधारे पोलिसांनी भारतीय न्याय संहिता (BNS) च्या कलम 80 (2), 85 आणि 3 (5) तसेच हुंडा प्रतिबंधक कायद्याच्या कलम 3 आणि 4 अंतर्गत गुन्हा दाखल केला आहे. पोलीस या प्रकरणात साक्षीदारांचे जबाब नोंदवत आहेत.

सध्या पोलीस या प्रकरणाचा सर्व बाजूंनी तपास करत असून, लक्ष्मी प्रियाच्या मृत्यूमागच्या नेमक्या परिस्थितीचा आढावा घेतला जात आहे. हुंडाबळीच्या कायद्यांतर्गत कडक कारवाईची मागणी कुटुंबीयांनी केली असून, पोलीस या प्रकरणात कोणतीही कसूर सोडणार नाहीत असे अधिकाऱ्यांनी सांगितले आहे. ही संपूर्ण दुःखद घटना कर्नाटकातील बेंगळुरू परिसरात घडली आहे.