विवाहबाह्य प्रकरणाबाबत बायकोनं नवऱ्याला विचारला जाब, पतीने धारदार शस्त्राने संपवलं

हे ही वाचा : Astrology : करिअर, पैसा आणि नातेसंबंध... केतूचे मघा नक्षत्रातून भ्रमण, 'या' राशींना लाभ

काली माता मंदिराजवळ पत्नीवर चाकूने हल्ला 

पोलिसांच्या माहितीनुसार, 27 सप्टेंबर रोजी दुपारी 4.49 वाजता, त्याला पालम येथील जे. जे. वसाहतीत काली माता मंदिराच्या जवळ चाकूने हल्ला झाल्याची माहिती देणारा पीसीआर कॉल आला होता. त्या महिलेची सोनिया (वय 30) अशी ओळख समोर आली. नंतर पीडितेला इंदिरा रुग्णालयात दाखल करण्यात आले होते, मात्र डॉक्टरांनी तिला मृत घोषित केले. 

विवाहबाह्य संबंधावरून जाब विचारल्याने वाद 

संबंधित प्रकरणात तपासादरम्यान पोलिसांना आढळून आले की, सोनियाने तिच्या पतीला कथितरित्या विवाहबाह्य संबंधाबाबत जाब विचारला होता. दोघांमधील वाद विकोपाला गेला आणि प्रदीपने पत्नीवर धारदार शस्त्राने हल्ला केला, या हल्ल्यात पीडितेच्या छातीसह मानेवर अनेक जखमा आढळल्याची माहिती पोलिसांनी दिली होती. 

हे ही वाचा : भाडेकरु महिलेसोबत शरीरसंबंध अन् दोन भावांचा मृत्यू, गावकऱ्यांमध्ये घबराट; नेमकं काय घडलं?

पोलिसांनी सांगितलं की, एका जोडप्याचा विवाह हा 2017 मध्ये झाला होता, त्यांना दोन मुले देखील होती. मिळालेल्या माहितीनुसार, विवाहबाह्य संबंधाच्या आरोप आणि संशयावरून त्यांच्यावर वारंवार वाद झाल्याने त्यांचे संबंध काही काळापासून ताणलेले होते. हल्ल्यात वापरलेले शस्त्र आणि घटनेचा संपूर्ण तपास पोलीस करत असल्याची माहिती समोर आली.