Crime News : भांडणात मध्यस्थी करायला जाणे तरुणाला महागात, नातेवाईकांनी गोळ्या झाडून संपवलं

जुन्या वैमनस्यातून दोन गटांमध्ये वाद, मध्यस्थीसाठी गेलेल्या तरुणाला संपवलं 

अधिकच्या माहितीनुसार, या प्रकरणात सहा जणांविरुद्ध गुन्हा दाखल करण्यात आला असून त्यापैकी काहींना अटक करण्यात आली आहे. पकडलेल्या आरोपींमध्ये मुख्य आरोपीचाही समावेश आहे, असं कोटा (ग्रामीण) चे पोलिस अधीक्षक (SP) सुजीत शंकर यांनी पीटीआयशी बोलताना सांगितलं. पोलिसांकडून मृताची ओळख पटवण्यात आली आहे. मंडाना पोलीस ठाण्याच्या हद्दीतील ही घटना असून मृत्यू झालेला तरुण रामगड गावातील रहिवासी शंकर चरण आहे. ही घटना मंगळवारी घडली आहे. धार्मिक कार्यक्रमातून मंदिरातून परतताना जुन्या वैमनस्यातून दोन गटांमध्ये वाद झाले होते. यावेळी हा तरुण मध्यस्थी करण्यासाठी गेला होता. मात्र, त्याची गोळ्या झाडून हत्या केली आहे. 

हेही वाचा : सारखं मोबाईलवर गेम खेळतो म्हणून मोठी बहीण रागावली, नाराज झालेल्या अल्पवयीन भावाने आयुष्य संपवलं!

पोलिसांनी पुढे बोलताना सांगितलं, दोन्ही गटांमध्ये मारामारी सुरू असल्याचे पाहून शंकर चरण यांनी त्यांना शांत करण्याचा प्रयत्न केला. त्याच वेळी एका गटातील व्यक्तीने देशी पिस्तुलातून जवळून गोळी झाडली. गंभीर जखमी अवस्थेत शंकर चरण यांना कोट्यातील न्यू मेडिकल कॉलेज रुग्णालयात नेण्यात आले, मात्र उपचारादरम्यान त्यांचा मृत्यू झाला. श्यामलाल चरण असं मुख्य आरोपीचं नाव आहे. तो मृतकाचा नातेवाईक आहे. श्यामलालसह काही जणांना चौकशीसाठी ताब्यात घेण्यात आले आहे. श्यामलाल व्यतिरिक्त इतर आरोपींची नावे बलराम, भूरिया, भंवरलाल, किशन आणि बालू अशी असून हे सर्व रामगड गावचे रहिवासी आहेत.श्यामलाल आणि बलराम यांना अलीकडेच खुनाच्या प्रयत्नाच्या प्रकरणातून तुरुंगातून सोडण्यात आले होते. 

हेही वाचा : अंबानींचं तेल-मीठ बंद करा, फडणवीस, ठाकरे, पवार, गांधी अन् नोकरदारांचे पैसे कापा, जरांगेंची शेतकऱ्यांसाठी मोठी मागणी