नवऱ्याकडून गर्भात वाढत असलेल्या बाळाची DNA चाचणीची मागणी, शेवटी भयंकर घडलं!

हेही वाचा : "ऑपरेशन टायगर नाही, हे ऑपरेशन देवेंद्र.. पंतप्रधान पद", उद्धव ठाकरेंनी उडवून दिली मोठी खळबळ

पतीकडून शारीरिक आणि मानसिक छळ झाल्याचा आरोप 

सुष्मिता ही विकाराबाद जिल्ह्यातील मोथकुपल्ली गावातील रहिवासी होती. सुमारे 18 महिन्यांपूर्वी तिचा विवाह गडीपेड्डापूर येथील बांगड्यांचा व्यवसाय करणाऱ्या जी. अभिलाष याच्याशी झाला होता. सुष्मिताच्या आई जी. जनाबाई यांनी पोलिसांकडे दिलेल्या तक्रारीत मुलीला पतीकडून शारीरिक आणि मानसिक छळ सहन करावा लागत असल्याचा आरोप केला आहे. त्यांनी दिलेल्या माहितीनुसार, 23 जून रोजी त्या आणि त्यांचे पती सुष्मिताच्या घरी डोहाळे जेवणाच्या कार्यक्रमाच्या तयारीबाबत चर्चा करण्यासाठी गेले होते. त्यावेळी अभिलाष याने कार्यक्रमावरून वाद घालत गर्भात वाढत असलेल्या बाळाची डीएनए चाचणी करण्याची मागणी केली होती. त्यानंतर समाजातील ज्येष्ठांनी हस्तक्षेप केल्यावर तेथील वाद शांत झाला आणि ते घरी परतले.

हेही वाचा : शिंदेंच्या आमदाराचा 'टक्केवारीचा' कथित Video प्रचंड व्हायरल, शिवसेना करणार कारवाई?

आरोपींना कोर्टाकडून न्यायालयीन कोठडी 

तक्रारीनुसार, या अपमानास्पद घटनेनंतर सुष्मिता मानसिकदृष्ट्या खचली होती. दोन दिवसांनंतर 25 जूनच्या संध्याकाळी तिने गडीपेड्डापूर येथील घरी गळफास घेऊन आत्महत्या केली. गावकऱ्यांनी या घटनेची माहिती तिच्या आई-वडिलांना दिली. जनाबाई यांनी आपल्या तक्रारीत पती आणि सासूकडून होत असलेल्या सातत्यपूर्ण छळामुळेच मुलीने आत्महत्या केल्याचा आरोप केला आहे. शवविच्छेदनानंतर सुष्मिताचा मृतदेह तिच्या आई-वडिलांच्या ताब्यात देण्यात आला.

जनाबाई यांच्या तक्रारीच्या आधारे अल्लादुर्ग पोलिसांनी 26 जून रोजी भारतीय न्याय संहितेच्या कलम 85, कलम 108 तसेच कलम 3(5) अंतर्गत गुन्हा दाखल केला. त्यानंतर शनिवारी पोलिसांनी सुष्मिताचा पती अभिलाष आणि त्याची आई लक्ष्मी यांना अटक केली. दोघांना न्यायालयासमोर हजर करण्यात आले असून त्यांना न्यायालयीन कोठडी सुनावण्यात आली आहे. या प्रकरणाचा पुढील तपास पोलिसांकडून सुरू आहे. ही घटना हैद्राबादमध्ये घडली.