नवरा कामावर गेला, घरात बायको आणि प्रियकर एकत्रच अन्..

हे ही वाचा : नर्तकीला बघताच तरुणांची नियत बिघडली, स्टेजवरून ओढत निर्जनस्थळी नेलं अन्..

मूळचे सिद्दिपेट जिल्ह्यातील दगदेवपूर मंडळातील तीगुल रहिवासी असलेले स्वामी आणि ज्योती सध्या मेडचल जिल्ह्यातील कीसारा येथे राहत होते. स्वामी टॅक्सी चालक होते आणि कुटुंबाचा उदरनिर्वाह करत होते. त्यांना एक मुलगी आणि एक मुलगा होता. 

नवरा कामावर गेला आणि घरात बायको प्रियकरासोबत होती अन्.. 

पोलिसांच्या माहितीनुसार, ज्योतीचे लग्नापूर्वी यादद्री भुवनगिरी जिल्ह्यातील माधापुर गावातील रहिवासी असलेल्या नवीन नावाच्या तरुणासोबत प्रेम प्रकरण होते. लग्नानंतर ज्योतीने नवीनशी नाते तोडले नव्हते. जेव्हा पती स्वामी हा टॅक्सी घेऊन जायचा तेव्हा नवीन ज्योतीच्या घरी यायचा. 29 मे रोजी देखील असाच प्रकार घडला होता. दोघे घरात एकत्र होते त्यावेळी दोन वर्षांचा मुलगा जोराने रडू लागला होता. 

दोन वर्षांच्या मुलगा दोघांच्या नातेसंबंधात अडथळा

मुलाच्या रडण्याने ज्योती आणि प्रियकर नवीनच्या एकांतात व्यत्यय आला. मुलगा दोघांच्या नातेसंबंधात अडथळा ठरत होता, म्हणून दोघांनी चिमुरड्या हरिकृष्णाचे पाय पकडले, नंतर त्याला जमिनीवर आपटून जीवे मारलं. नंतर बेदम मारहाण केली. चिमुरड्याच्या डोक्याला गंभीर जखम झाली आणि रक्त येऊ लागलं, इतक्यातच चिमुरड्याने अखेरच्या श्वास घेतला. 

खूनानंतर आईने रडण्याचे नाटक केले होते. नंतर त्यांनी नोकरीवरून आलेल्या नवऱ्याला हरिकृष्णाच्या मृत्यूबाबत महिती दिली. पती स्वामीने पत्नीच्या सांगण्यावर विश्वास ठेवला होता. नंतर लहान मुलाचा मृतदेह गावात नेत त्याच्यावर अंत्यसंस्कार करण्यात आले. 

हे ही वाचा : पुणे : भुयारी मार्ग, उच्चभ्रू महिलांशी शारीरिक संबंध, कंडोम्स अन् गोळ्या

दरम्यान, प्रकरण उघडकीस आल्यानंतर स्वामीच्या पायाखालची जमीन सरकून गेली. तो तात्काळ पोलीस ठाण्यात गेला आणि पत्नी आणि तिच्या प्रियकराविरोधात हत्येचा गुन्हा दाखल केला. प्रकरणाचं गांभीर्य पाहून स्वामीने लहान मुलाचा मृतदेह बाहेर काढला, नंतर शवविच्छेदनासाठी पाठवला होता. पोलिसांनी तात्काळपणे कारवाई करत ज्योतीला अटक केली.  फरार झालेल्या प्रियकराचा तपास सुरू आहे.