पोटच्या दोन लेकींना आईने संपवलं, पोलिसांनी केली अटक, नेमकं काय घडलं?

हे ही वाचा : कोल्हापूरमधील वाडी जोतिबा मंदिरात पुजाऱ्यांकडून भाविकांना जबर मारहाण, गुलालासह नारळ फेकून मारल्याचे कृत्य

दरवाजा उघडताच खोलीत भयंकर...

पोलिसांच्या माहितीनुसार, ही धक्कादायक घटना 5 फेब्रुवारी रोजी सायंकाळी 6:10 वाजताच्या सुमारास मालवीयनगरात घडली होती. पोलिसांनी घटनास्थळी धाव घेतली असता, दरवाजा आतून बंद होता. नंतर दरवाजा उघडून आतून प्रवेश केल्यानंतर, त्यांनी राधिका आरोरा (वय 33)  आणि गुनिषा अरोरा (वय 28) या दोन तरुणींचे मृतदेह वेगवेगळ्या खोल्यांमध्ये आढळले होते. 

राधिकाचा चेहरा हा उशीने झाकलेल्या अवस्थेत आढळून आला होता, तर दुसरीकडे तरुणीचा गळा हा क्रेप बँडेजने आवळलेल्या स्थितीत होता. दोघींच्याही हातांवर कापल्याच्या खुणा होत्या. त्यांची आई, सुनीता आरोरा, घटनास्थळी बेशुद्ध अवस्थेत आढळल्या आणि त्यांना तात्काळपणे रुग्णालयात पाठवण्यात आले होते. 

घटनास्थळी फिनाईलच्या गोळ्या आढळल्या

पोलिसांना तपासादरम्यान, घटनास्थळी फिनाईलच्या गोळ्या आढळून आल्या होत्या. मुलींनी आत्महत्येचा बनाव रचत लेकींना संपवल्याची शक्यता आहे. पोलिसांनी महिलेची चौकशी केली, जिथे तिने आपल्या गुन्ह्याचा कबुलीनामा दिला. 

हे ही वाचा : जालन्यात रेड्याच्या टकरीवरून दोन गटांत वाद, हाणामारीत तरुणाचा दुर्दैवी अंत, 15 दिवसांपूर्वीच झाला होता विवाह

आईकडून दोन्ही मुलींची हत्या 

पोलीस सूत्रांनुसार, धाकटी लेक मनीषा गुनिषाचे एलएलबीचे शिक्षण पूर्ण झाले होते. तिने मानसिक तणावाखाली होती, घरातील कलहामुळे तिने आपल्या आईला जीवे मारण्याची वारंवार धमकी देत असल्याचे सांगितले जाते. दरम्यान, प्राथमिक तपासातून समोर आले की, त्या महिलेनं तिच्या मोठ्या मुलीचा गळा चिरला, तसेच तिच्या लहान मुलीची हत्या केली. नंतर तिने फिनाईलच्या गोळ्या घेऊन आपलं जीवन संपवलं, पोलिसांनी दिलेल्या माहितीनुसार, या प्रकरणाचा सर्व बाजूने तपास सुरु आहे.