आईसोबत तरुण गेला पळून, 6 वर्षीय मुलीसोबत गैरकृत्य अन् सिगारेटचे चटके

हे ही वाचा : चॅनेल बदलण्यावरून वाद, पत्नीने नवऱ्यावर विळ्याने हल्ला करत.. भयंकर घडलं

संबंधित प्रकरणाची मुलांच्या कुटुंबीयांना घटनेची माहिती मिळाली असता, पीडितांच्या वडिलांनी पोलीस ठाणे गाठत आरोपीविरोधात तक्रार दाखल केली. पीडितेच्या वडिलांनी तक्रारीत नमूद केलं की, पत्नी आपल्या प्रियकरासोबत 5 तोळे सोने आणि पैसे घेऊन पळून गेले होते. पोलीस आरोपीला पकडण्यासाठी गेली असता, तो महिलेसोबत फरार झाला. चारही मुलांनी पोलिसांना घडलेला सर्व प्रकार सांगितला होता. पीडित वडिलांनी तक्रार दाखल केली असता, आरोपीवर अनेक गुन्हे दाखल करण्यात आले होते.   

नेमकं घडलं काय? 

10 जुलै रोजी नवरा ड्युटीवर गेल्यानंतर महिला आपल्या प्रियकरासोबत 5 तोळे सोने, 65 हजार रुपये आणि चारही मुलांना घेऊन ती गेली होती. काही दिवस वाट पाहिल्यानंतर एका अज्ञात क्रमांकावरून महिलेचा सुगावा लागला होता. पोलिसांनी महिला बेपत्ता झाल्याची तक्रार नोंदवून घेतली होती. 

लोकेशनच्या आधारावर पोलिसांनी घटनास्थळावर जाऊन छापा टाकला होता. पोलिसांनी पाहून आरोपी आणि महिला घटनास्थळावरून पळून गेले. तेव्हा पोलिसांनी चारही मुलांना आपल्या वडिलांकडे सुपूर्द केले होते. मुलं घरी पोहोचल्यानंतर ते खूपच भयभीत झाले होते. तेव्हा वडिलांनी मुलांना विचारलं असता, पीडित मुलांनी सांगितलं की, आरोपी हा दररोज दारू पिऊन यायचा आणि मारहाण करायचा. 

आरोपीचं मुलीसोबत गैरकृत्य 

आरोपी सतत धमकवायचा आणि घरातील जबरदस्ती काम करण्यास दबाव आणायचा. घरातील एका खोलीत मुलीसोबत गैरकृत्य केल्याची माहिती मुलीने सांगितली. आरोपी एवढ्यावरच शांत न बसला त्याने मुलीच्या ओठांसह हाताला सिगारेटने चटके दिले होते. आरोपीने याबाबत कोणाला काही सांगू नये अशी धमकी दिली होती. अन्यथा वडिलांची हत्या केली जाईल, असं म्हणायचा. अशा स्थितीत आईने याउलट विरोध करायचा सोडून आरोपीची साथ दिली आणि काहीही काळजी करू नका हे काका असल्याचं आई म्हणाली होती. 

हे ही वाचा : 16 वर्षीय मुलीचा मृतदेह कबरीतून काढला बाहेर, कुटुंबीयांना ऑनर किलिंगचा संशय

संबंधित प्रकरणात पोलिसांचं म्हणणं असं आहे की, आरोपी तरुणाविरोधात पॉक्सो आणि इतर काही कलमान्वये गुन्हा दाखल करण्यात आलाय. आरोपीचा तपास करण्यासाठी पोलिसांनी शोध सुरू ठेवला आहे.