हे ही वाचा : नागपुरात 37 वर्षीय महिलेवर 34 वर्षीय तरुणाचा बलात्कार... तिच्या मुलीसोबत देखील अश्लील कृत्य! प्रॉपर्टी डीलर अटकेत

पार्कमध्ये  केली हत्या

मृत बालक हादी हा आपल्या आईसोबत मुखर्जी नगरमधील एसएफएस फ्लॅट्समध्ये मामाच्या घरी आला होता. शुक्रवारी (20 फेब्रुवारी) दुपारी दीडच्या सुमारास ही घटना घडली. बागेत काम करणाऱ्या एका माळ्याने आजराला मुलाचा गळा दाबताना पाहिले होते. त्याने आरडाओरडा केल्यानंतर लोक जमा झाले. एका स्थानिक व्यक्तीने मुलाला आजराच्या तावडीतून सोडवून तातडीने जवळच्या रुग्णालयात नेले, मात्र डॉक्टरांनी त्याला मृत घोषित केले.

मावशी ताब्यात

मृत हादी हा मूळचा दिल्लीतील सीलमपूरचा रहिवासी असून त्याचे वडील आदिल तिथेच राहतात. पोलिसांनी दिलेल्या माहितीनुसार, हादीच्या मामानेच फोन करून या घटनेची माहिती दिली होती. पोलिसांनी तात्काळ घटनास्थळी धाव घेत आरोपी मावशीला ताब्यात घेतले आहे. हादीचा मृतदेह शवविच्छेदनासाठी पाठवण्यात आला असून, या क्रूर कृत्यामागचे नेमके कारण अद्याप स्पष्ट झालेले नाही. पोलीस सध्या आरोपी महिलेची कसून चौकशी करत आहेत.

हे ही वाचा : अंगणात खेळत असलेल्या चिमुकलीला शेजाऱ्याने उचलून नेलं, 2.5 किलोमीटर दूर नेऊन निर्जनस्थळी अत्याचार

हत्येचं नेमकं कारण काय?

या घटनेमुळे एसएफएस फ्लॅट्स परिसरात दहशतीचे आणि संतापाचे वातावरण आहे. आपल्याच रक्ताच्या नात्याने एवढे टोकाचे पाऊल का उचलले, याबाबत परिसरात उलटसुलट चर्चा सुरू आहेत. घरगुती वादातून किंवा मानसिक विकृतीतून ही हत्या झाली असावी, असा प्राथमिक संशय व्यक्त केला जात असून पोलीस सर्व बाजूंनी तपास करत आहेत.