चोरीच्या उद्देशाने घरात शिरला, लकवाग्रस्त पतीसमोर पत्नीचा गळा चिरला, नवऱ्याच्या डोळ्यासमोर बायकोने जीव सोडला!

अधिकची माहिती अशी की, नेलमंगळा परिसरातील हिरापूर येथील कोटे बीडी भागात शोभा या आपल्या पती रंगनाथ यांच्यासोबत राहत होत्या. दाम्पत्याला अपत्य नव्हते. रंगनाथ गेल्या 15 वर्षांपासून लकवाग्रस्त असून पूर्णपणे अंथरुणावर अवलंबून आहेत. घटनेच्या दिवशी दोघेही नेहमीप्रमाणे फेरफटका मारून घरी परतले होते. रात्री सुमारे 1.03 वाजता आरोपी शिवकुमार घरात शिरला. पोलिसांच्या माहितीनुसार, त्याने धारदार शस्त्राने शोभा यांचा गळा चिरून खून केला. महिला रक्तबंबाळ अवस्थेत तडफडत असताना त्यांच्या शेजारी पडलेले पती काहीच करू शकले नाहीत.

हेही वाचा : Maharashtra Weather : राज्यातील 'या' विभागांत तापमानात वाढ होण्याची शक्यता, हवामानाचा महत्त्वाचा अलर्ट

हत्येनंतर आरोपीने घरात रोख रक्कमेचा शोध घेतला. पैसे न सापडल्याने त्याने महिलेच्या अंगावरील सोन्याची साखळी, बांगड्या आणि इतर दागिने काढून घेतले. पोलिसांच्या अंदाजानुसार सुमारे 450 ग्रॅम सोने चोरीस गेले असून त्याची किंमत सुमारे 65 लाख रुपये आहे.

घटनेनंतर आरोपी दुचाकीवरून पसार झाला. मात्र परिसरातील सीसीटीव्ही कॅमेऱ्यांमध्ये त्याच्या हालचाली कैद झाल्या. तपासादरम्यान तो घाऊक दुकान चालवत असल्याचे समोर आले. धक्कादायक बाब म्हणजे हत्या केल्यानंतर तो पुन्हा घटनास्थळी परतला आणि गर्दीत उभा राहून पोलिस तपास पाहत होता, जेणेकरून कोणालाही संशय येऊ नये.

सीसीटीव्ही फुटेजच्या आधारे पोलिसांनी वाहन क्रमांक शोधून आरोपीला अटक केली. त्याच्याकडून खूनासाठी वापरलेले चाकू, दुचाकी आणि मोबाईल फोन जप्त करण्यात आले आहेत. पुढील तपास सुरू आहे.

इतर महत्त्वाच्या बातम्या 

Maharashtra Weather : राज्यातील 'या' विभागांत तापमानात वाढ होण्याची शक्यता, हवामानाचा महत्त्वाचा अलर्ट