रमजानचा महिना असल्याने माहेरी आली महिला, मावशीने बागेत फिरवून आणण्याचे बहाण्याने नेलं, अन् कांड केलं

पोलिसांना दुपारी पीसीआर कॉल

Delhi Police यांनी दिलेल्या माहितीनुसार, शुक्रवारी दुपारी सुमारे 1:30 वाजता पीएस मुखर्जी नगर येथे डीडी क्रमांक 62 अंतर्गत पीसीआर कॉल प्राप्त झाला. कॉल करणाऱ्या व्यक्तीने “माझ्या भाच्याचा मृत्यू झाला असून त्याची हत्या माझ्या बहिणीने केली आहे,” अशी माहिती दिली. ही घटना एसएफएस फ्लॅट्स, मुखर्जी नगर येथील एका उद्यानात घडल्याचे सांगण्यात आले.

आरोपी कोण?

पोलिस आणि स्थानिकांच्या माहितीनुसार, आरोपी महिलेचे नाव अजरा (वय 30) असे आहे. अजरा हिने पार्कमध्ये फिरायला नेण्याच्या बहाण्याने चिमुकल्या हादीला सोबत नेले. परिसरात शांतता असल्याचा फायदा घेत तिने त्याचा गळा आवळल्याचा आरोप आहे.

घटनेदरम्यान तेथून जाणाऱ्या एका स्थानिक रहिवाशाने हा प्रकार पाहिला आणि तात्काळ हस्तक्षेप करून मुलाला तिच्या तावडीतून सोडवले. त्यानंतर मुलाला तातडीने जवळच्या न्यू लाइफ हॉस्पिटलमध्ये दाखल करण्यात आले. मात्र, डॉक्टरांनी त्याला मृत घोषित केले. मृत बालकाची ओळख हादी (वय 21 महिने) अशी आहे.

हेही वाचा : Maharashtra Weather : राज्यातील 'या' विभागांत तापमानात वाढ होण्याची शक्यता, हवामानाचा महत्त्वाचा अलर्ट

 रमजानसाठी माहेरी आलेली आई

तपासात समोर आले की हादी हा आपल्या वडील आदिल यांच्यासोबत ओल्ड सीलमपुर येथे राहत होता. रमजानच्या निमित्ताने त्याची आई उज़मा ही माहेरी मुखर्जी नगर येथे आली होती. सण साजरा करण्यासाठी एकत्र जमलेल्या कुटुंबावर दु:खाचा डोंगर कोसळला.

 आरोपी मावशी बेशुद्ध अवस्थेत

घटनेनंतर आरोपी अजरा ही घटनास्थळीच बेशुद्ध अवस्थेत आढळली. पोलिसांनी तिला ताब्यात घेतले असून वैद्यकीय तपासणीसाठी Babu Jagjivan Ram Memorial Hospital येथे पाठवण्यात आले आहे.

या हत्येमागे मानसिक ताणतणाव, कौटुंबिक वाद किंवा इतर कोणते कारण होते का, याचा तपास पोलिसांकडून सुरू आहे. प्रकरणाची नोंद करण्यात आली असून पुढील कायदेशीर कारवाई करण्यात येत आहे.

या धक्कादायक घटनेमुळे परिसरात भीती आणि संतापाचे वातावरण पसरले आहे. रमजानच्या पवित्र महिन्यात घडलेल्या या घटनेने समाजमन सुन्न झाले आहे.

इतर महत्त्वाच्या बातम्या 

अहिल्यानगर: 15 वर्षीय मुलीचं अपहरण अन् लैंगिक अत्याचार! 5 दिवस जंगलात ठेवलं.. 'लव्ह जिहाद'चा आरोप; तिन्ही आरोपी गजाआड!