हे ही वाचा : नागपुरात 37 वर्षीय महिलेवर 34 वर्षीय तरुणाचा बलात्कार... तिच्या मुलीसोबत देखील अश्लील कृत्य! प्रॉपर्टी डीलर अटकेत

महाशिवरात्रीच्या दिवशी देव दर्शनाहून परतला अन्...

मध्यप्रदेशातील  ग्वाल्हेरमधील ही घटना आहे. मृत बाबूलाल जाटव यांना तीन मुले आणि एक मुलगी आहे. दोन मुले वेगळी राहतात, तर मधला मुलगा रवी वडिलांसोबतच राहायचा. महाशिवरात्रीच्या दिवशी रवी देवदर्शन घेऊन घरी परतला होता. सायंकाळी साडेसहाच्या सुमारास त्याने वडिलांकडे काही दिवसांपूर्वी दिलेले पैसे परत मागितले. मात्र, वडिलांनी पैसे देण्यास नकार दिल्याने दोघांमध्ये शाब्दिक चकमक झाली. थोड्या वेळाने रवी मद्यधुंद अवस्थेत पुन्हा घरी आला आणि त्याने पुन्हा पैशांसाठी तगादा लावला.

दारुच्या नशेत हत्या

भांडण विकोपाला गेल्यावर रागाच्या भरात रवीने घरातील काठी उचलली आणि वडिलांवर सपासप वार करण्यास सुरुवात केली. बाबूलाल हे देखील नशेत असल्याने त्यांना स्वतःचा बचाव करता आला नाही. डोक्यावर आणि शरीराच्या नाजूक भागांवर गंभीर दुखापत झाल्यामुळे बाबूलाल यांचा जागीच मृत्यू झाला. घरातील आरडाओरडा ऐकून शेजारी धावून आले आणि त्यांनी तातडीने पोलिसांना या घटनेची माहिती दिली.

हे ही वाचा : बँक कर्मचाऱ्याची प्रायव्हेट पार्ट दाबून हत्या, कर्मचाऱ्याच्या वडिलांचा सुनेवरच संशय; नेमकं काय घडलं?

गुन्ह्याची कबुली

सुरुवातीला पोलिसांनी अपघाती मृत्यूची नोंद केली होती, मात्र पोस्ट मार्टममध्ये धक्कादायक माहिती समोर आली. बाबूलाल यांच्या शरीरावर, पोटापासून डोक्यापर्यंत गंभीर जखमा होत्या आणि अंतर्गत दुखापतीमुळे त्यांचा मृत्यू झाल्याचे डॉक्टरांनी स्पष्ट केले. यानंतर पोलिसांनी हत्येचा गुन्हा दाखल करून रवीला ताब्यात घेतले. चौकशीदरम्यान त्याने वडिलांनी पैसे न दिल्याने रागाच्या भरात ही कृत्ये केल्याची कबुली दिली.