डोंबिवली : युपीतून नातेवाईकांच्या घरी आली, रागात घरं सोडलं अन् सामुहिक बलात्कार

हेही वाचा : डिलिव्हरी पार्टनरचा महिलेकडे घरात येऊ देण्याचा हट्ट! पुढे सगळं अंगलट आलं अन्...

मदतीचं अमिष देऊन सामुहिक बलात्कार 

पोलिसांनी दिलेल्या माहितीनुसार, युपीतून नातेवाईकांच्या घरी आलेली मुलगी  घरगुती वाद झाल्यानंतर संबंधित घरातून निघून गेली होती. त्यानंतर ती बदलापूर-कटई मार्गावरील एका हॉटेलमध्ये पोहोचली. तेथे हॉटेल चालक अंगूर सिंह याने तिला मदत करण्याचे आमिष दाखवत तिचा विश्वास संपादन केला. त्यानंतर त्याने दोन विधिसंघर्षग्रस्त मुलांशी तिची ओळख करून दिली. मुलीला काम आणि राहण्याची व्यवस्था करून देण्याचे आश्वासन देण्यात आले. या बहाण्याने तिला एका निर्जनस्थळी नेण्यात आले, जिथे तिच्यावर सामूहिक लैंगिक अत्याचार करण्यात आल्याचा आरोप आहे.

हेही वाचा : 'जेन झी'नं सनातन धर्म जगला, गीतांजली आंगमो यांचं वक्तव्य; आता अभिजीत दिपकेंची पहिली प्रतिक्रिया

पीडित मुलगी कुळगाव-बदलापूर परिसरात आढळून आली

घटनेनंतर आरोपींनी अल्पवयीन मुलीला रस्त्यावर सोडून दिले. त्यानंतर ती कुळगाव-बदलापूर परिसरात आढळून आली. तेथील नागरिकांनी तिला पोलिसांच्या ताब्यात दिले. पोलिसांनी चौकशी सुरू केली असता, मुलीने आपल्यासोबत घडलेला प्रकार सांगितला. त्यानंतर मानपाडा पोलिसांनी तत्काळ या प्रकरणाची गंभीर दखल घेत तपास सुरू केला आणि संबंधित आरोपींचा शोध घेण्यासाठी कारवाई केली.

या तपासादरम्यान पोलिसांनी 22 वर्षीय हॉटेल चालक अंगूर सिंह याला अटक केली आहे. त्याला न्यायालयात हजर करण्यात येणार असल्याची माहिती पोलिसांनी दिली. तसेच या प्रकरणातील उर्वरित दोन विधिसंघर्षग्रस्त मुलांना ताब्यात घेण्यात आले असून त्यांना बाल न्याय मंडळासमोर हजर करण्यात येणार आहे. या संपूर्ण प्रकरणाचा पुढील तपास मानपाडा पोलीस करत आहेत.