डेटिंग अ‍ॅपवर मैत्री, 2000 रुपयांचा व्यवहार, पण हॉटेलच्या खोलीत गेल्यानंतर वेगळीच डिमांड... अखेर, घडलं भयंकर!

2,000 रुपयांचा व्यवहार निश्चित

पोलिसांनी घटनेनंतर 24 तासांच्या आत, प्रकरणातील मुख्य आरोपी कोमल साहा आणि तिचा लिव्ह -इन-पार्टनर धुब्रा मित्रा याला अटक केली आहे. सुरुवातीला, दोन्ही आरोपींनी पोलिसांची दिशाभूल करण्याचा प्रयत्न केला. परंतु, घटनास्थळावरील पुरावे आणि CCTV फुटेजमधून सत्य घटना उघडकीस आली. खरं तर, डेटिंग अॅपवर कोमलने आदर्शसोबत मैत्री केली आणि त्यांच्या शारीरिक सुखाच्या बदल्यात 2,000 रुपयांचा व्यवहार निश्चित करण्यात आला. 

सीसीटीव्ही फुटेजमध्ये सगळं दिसलं...

शनिवारी आदर्शने हॉटेलमध्ये ऑनलाइन दोन खोल्या बूक केल्या. कोमल आणि ध्रुबा आधी त्यांच्या खोलीमध्ये गेले. आदर्शने डिलिव्हरी अॅपवरून बिअर आणि चिप्स ऑर्डर केल्याचंही सीसीटीव्हीमध्ये दिसून आलं. त्यानंतर कोमल आणि ध्रुबा हॉटेलच्या गॅलरीमध्ये बराच वेळ गप्पा मारत असल्याचं दिसलं. त्याच वेळी 20,000 रुपयांच्या मागणीचा प्लॅन ठरला असल्याचा पोलिसांना संशय आहे. 

हे ही वाचा: नाशिक : नवऱ्याने प्रेयसीसोबतचे अश्लील फोटो दाखवले, मासिक पाळी येत नसल्याने टोमणे; लग्नाच्या 6 महिन्यानंतर नवविवाहितेची आत्महत्या

20,000 रुपयांची मागणी अन् हत्या 

यानंतर, कोमल आदर्शच्या खोलीत गेली. आदर्श नशेत असताना तिने तिच्या पार्टनरसोबत खोलीत पैशांची शोधाशोध केली आणि आदर्शच्या वॉलेटमधून 1,500 रुपये काढले. त्यावेळी, अचानक आदर्शला जाग आली आणि ध्रुबाला तिथे पाहून तो चकित झाला. त्यानंतर त्या दोघांनी आदर्शकडे 20,000 रुपये ऑनलाइन ट्रान्सफर करण्याची मागणी केली. आदर्शने पैसे देण्यास नकार दिला आणि त्याने कोमलला शिवीगाळ करण्यास सुरूवात केली. 

त्यानंतर, धुब्रा आणि कोमलने आदर्शचे पाय टॉवेलने बांधले. नंतर, त्यांनी त्याचा चादरीने तिचा गळा दाबून खून केला. याबाबत पोलिसांनी माहिती दिली की, सीसीटीव्ही फुटेजमध्ये दोन्ही आरोपी हॉटेलच्या गॅलरीमधून पळत जाताना दिसून आलं. पहाटे अडीच वाजता, कोमल आणि ध्रुबा आदर्शच्या खोलीतून बाहेर पडल्या आणि जवळच्या खोलीत गेल्या.

हे ही वाचा: मुंबई: "आईनेच त्याच्यासोबत मिळून मला वेश्या व्यवसायात ढकललं", मुलीने शिक्षिकेला सगळंच सांगितलं अन्...

डेटिंग अॅप्सच्या माध्यमातून अशा गुन्ह्यांच्या वाढीमुळे पुन्हा एकदा प्रश्न उपस्थित झाले आहेत. पोलिस आता आरोपीच्या मागील रेकॉर्ड आणि इतर फसवणुकीची चौकशी करत असल्याची माहिती आहे.