पत्नीच्या आत्महत्या प्रकरणी तुरुंगवास... जेलमधून सुटल्यानंतर, दुसऱ्या पत्नीला देखील सोडलं नाही; नेमकं काय घडलं?

पत्नीवर तव्याने वार करून हत्या...

लग्न झाल्यानंतर, संजय रोशनीला सतत त्रास देत होता. पतीच्या छळाला कंटाळून रोशनीने घर सोडलं आणि आपल्या बहिणीकडे राहू लागली. मात्र चार दिवसांपूर्वी संजय तिच्याकडे आला आणि सुखाने संसार करूया, असं सांगून तिला आपल्या घरी परत नेलं. कुटुंबीयांनी सुद्धा पीडितेची समजून काढून रोशनीला परत तिच्या सासरी पाठवलं. पण तरी सुद्धा त्या दोघांमध्ये सतत वाद होते. घटनेच्या दिवशी, पीडिता आणि आरोपीमध्ये असाच वाद झाला आणि त्यावेळी रागाच्या भरात पतीने रोशनीवर तव्याने वार करून निर्घृण हत्या केली. 

हे ही वाचा: चुलत बहिणीशीच पळून जाऊन केलं लग्न! शेवटी, झाडावर लटकलेल्या अवस्थेत आढळले दोघांचे मृतदेह...

भावाने फोन केल्यानंतर घटना उघडकीस 

मिळालेल्या माहितीनुसार, पीडित रोशनीच्या भावाने तिला फोन केल्यानंतर ही घटना उघडकीस आली. त्यावेळी, पीडितेच्या भावाला आपल्या बहिणीचा फोन बंद असल्याचं समजलं आणि त्यानंतर, तो लगेच तिच्या घरी पोहोचला. मात्र, दाराला कुलूप लागलं होतं. त्याने, नातेवाइकांना बोलावून घराचा दरवाजा उघडला असता आत भयानक दृश्य दिसलं. घरात रोशनीचा मृतदेह आढळून आला. 

हे ही वाचा: मुंबईची खबर: आता, वाहतूक कोंडीची चिंता मिटणार! मुंबईतील 'या' खाडीवर बांधला जाणार पूल...

त्यानंतर, पोलिसांना या घटनेची माहिती देण्यात आली आणि त्यांनी सुद्धा या प्रकरणाचा तपास सुरू केला. चौकशीदरम्यान, पीडितेच्या शेजाऱ्यांनी आरोपी संजयला घरातून पळून जाताना पाहिलं असल्याचं समोर आलं. रोशनीच्या कुटुंबियांच्या तक्रारीवर पोलिसांनी संजयविरुद्ध हत्येचा गुन्हा दाखल केला आहे. आरोपी पती फरार असून पोलीस त्याचा शोध घेत असल्याची माहिती समोर आली आहे.