हे ही वाचा : नागपूर : घरच्यांनी पोलीस भरतीच्या तयारीसाठी प्रशिक्षण केंद्रात पाठवलं, पण 11 वीची मुलगी प्रियकरासोबत बिहारला पळाली

काय घडलं होतं?

ही हृदयद्रावक घटना 6 मार्च 2025 च्या रात्री घडली होती. इस्रायली तरुणी, अमेरिकेचा डॅनियल, नाशिकचा पंकज आणि ओडिशाचा बिबास हे पर्यटक हम्पी फिरण्यासाठी आले होते. रात्रीच्या वेळी तुंगभद्रा कालव्यालगत असलेल्या रंगपुरा गंगम्मा मंदिराजवळ हे सर्वजण एका छोट्या संगीत कार्यक्रमाचा आनंद घेत होते. त्यावेळी तिथे पोहोचलेल्या तिन्ही नराधमांनी सुरुवातीला पेट्रोलसाठी 100 रुपयांची मागणी केली. पर्यटकांनी पैसे देण्यास नकार देताच आरोपींनी त्यांच्यावर हल्ला चढवला आणि यानंतर माणुसकीला काळिमा फासणारी घटना घडली.

नराधमांनी गाठला क्रूरतेचा कळस

आरोपींनी पंकज, डॅनियल आणि बिबास यांना बेदम मारहाण करुन तुंगभद्रा नदीच्या वेगवान प्रवाहाने वाहणाऱ्या कालव्यात ढकलून दिले. त्यानंतर तिथे उपस्थित असलेल्या परदेशी तरुणीवर आणि एका स्थानिक महिला हॉटेल व्यावसायिकावर आरोपींनी सामूहिक बलात्कार केला. कालव्यात फेकलेल्यांपैकी पंकज आणि डॅनियल पोहून बाहेर येण्यात यशस्वी झाले, मात्र ओडिशाचा बिबास पाण्याचा अंदाज न आल्याने वाहून गेला, ज्यामध्ये त्याचा दुर्दैवी मृत्यू झाला. या नराधमांनी पर्यटकांचे सामानही लुटले होते.

हे ही वाचा : रीलसाठी अल्पवयीन मुलाने स्कॉर्पिओ बेदरकारपणे चालवली, 23 वर्षीय तरुणाचा जीव गेला; एकट्याने वाढवणारी आई धाय मोकलून रडली

देशाच्या प्रतिमेवर प्रहार

न्यायालयाने 6 फेब्रुवारी रोजीच या तिघांना दोषी ठरवले होते आणि सोमवारी अंतिम निकाल देताना स्पष्ट केले की, परदेशी पाहुण्यांसोबत केलेली अशी अमानवीय कृती केवळ गुन्हा नसून देशाच्या प्रतिमेवर केलेला प्रहार आहे. कडक सुरक्षा व्यवस्थेत हा निकाल सुनावल्यानंतर पीडितांच्या कुटुंबियांनी आणि समाजाने या निर्णयाचे स्वागत केले आहे. पर्यटकांच्या सुरक्षेसाठी अशा कठोर शिक्षेची गरज असल्याचे मत न्यायालयाने यावेळी व्यक्त केले.