हे ही वाचा : मोठ्या हॉटेलमध्ये हाय-प्रोफाइल वेश्याव्यवसाय... पोलिसांनी छापा टाकताच तब्बल 11 महिलांना घेतलं ताब्यात

लग्नानंतर दोन वर्षांतच आयुष्याचा अंत

अंजनाबाईचा विवाह 2022 मध्ये शेखर पाटील याच्याशी झाला होता. शेखर हा पाणीपुरी विक्रीचा व्यवसाय करतो. या दांपत्याला 11 महिन्यांची एक लहान मुलगी देखील आहे. सुखी संसार सुरु असतानाच अचानक अंजनाबाईने टोकाचे पाऊल उचलल्याने अनेक प्रश्न उपस्थित झाले आहेत. मुलीच्या मृत्यूची बातमी समजताच माहेरच्यांनी घटनास्थळी धाव घेतली आणि हा घातपात असल्याचा संशय व्यक्त करत पोलिसांत तक्रार दाखल केली.

वेश्या व्यवसायासाठी जबरदस्ती केल्याचा आरोप

मृत महिलेचे वडील विजयकुमार यांनी दिलेल्या तक्रारीत अत्यंत धक्कादायक दावे केले आहेत. त्यांच्या म्हणण्यानुसार, सासरच्या मंडळींकडून अंजनाबाईचा केवळ मानसिक छळच केला जात नव्हता, तर तिला वेश्या व्यवसायासाठी देखील भाग पाडले जात होते. या अनैतिक मागणीला अंजनाबाईचा विरोध होता. तसेच पती शेखर हा व्यवसायानिमित्त रात्री उशिरा 11 ते 12 च्या सुमारास घरी परतत असे, ज्यावर तिने आक्षेप घेतला होता. ही बाब तिने सासू अरुणाबाई आणि सासरे चंद्रकांत यांनाही सांगितली होती, मात्र तिला न्याय मिळण्याऐवजी तिचा छळ वाढला.

हे ही वाचा : आईला मामेभावासोबत आक्षेपार्ह अवस्थेत बघितले, 14 वर्षीय मुलासोबत आईने काय केले? हादरवून टाकणारं प्रकरण

हत्येचा संशय

घरगुती वाद आणि गंभीर आरोपांमुळे या प्रकरणाला आता फौजदारी गुन्ह्याचे स्वरुप प्राप्त झाले आहे. पतीने उशिरा येणे आणि सासरच्यांनी केलेल्या छळामुळेच मुलीचा बळी गेल्याचे वडिलांचे म्हणणे आहे. पोलिसांनी या तक्रारीवरुन गुन्हा दाखल केला असून मृतदेह पोस्ट मार्टमसाठी पाठवला आहे. अंजनाबाईने खरोखरच आत्महत्या केली की तिची हत्या करुन मृतदेह लटकवण्यात आला, याचा तपास पोलीस करत आहेत.