पुणे: माजोरडी सिया गोयल, पोलिसांसमोर कॅमेऱ्याकडे पाहून दाखवलं मधलं बोट!

नेमकं काय घडलं?

तपासाचा भाग म्हणून पुणे पोलिसांनी सिया गोयलला तिच्या घरी नेले होते. घरामध्ये काही वेळ चौकशी केल्यानंतर पोलिसांनी तिला पुन्हा बाहेर आणले. यावेळी ती पोलिसांच्या संरक्षणात वाहनाकडे जात असताना उपस्थित पत्रकारांच्या दिशेने हाताचं मधलं बोट दाखवत अश्लील हातवारे केले. तिचं हेच कृत्य कॅमेऱ्यात कैद झालं.

हा व्हिडिओ सोशल मीडियावर मोठ्या प्रमाणात व्हायरल झाला असून त्यावरून विविध चर्चा सुरू झाल्या आहेत.

व्हिडिओवरून सोशल मीडियात चर्चा

व्हायरल झालेल्या व्हिडिओनंतर अनेक सोशल मीडिया युजर्सनी संताप व्यक्त केला आहे. पोलिसांच्या उपस्थितीत अशा प्रकारचे वर्तन झाल्याने कायद्याबद्दलचा धाक राहिला आहे का, असा प्रश्न काही जण उपस्थित करत आहेत.

हे ही वाचा>> सिया अन् चेतनने सगळा प्लॅन 'त्या' व्यक्तीला सांगितलेला, केतनच्या हत्याप्रकरणात नवे नाव समोर

काय आहे केतन अग्रवाल मृत्यू प्रकरण?

या प्रकरणात सिया गोयल आणि तिचा मित्र चेतन चौधरी यांच्यावर केतन अग्रवालला लोहगड किल्ल्यावरून खाली ढकलून ठार मारल्याचा आरोप आहे. या प्रकरणाचा तपास पुणे पोलीस करत असून विविध तांत्रिक आणि परिस्थितीजन्य पुरावे गोळा करण्यात आल्याची माहिती यापूर्वी समोर आली आहे.

हे ही वाचा>> चेतन की सिया? केतनला गडावरून कोणी ढकललं? असं उलगडणार सत्य

पोलिसांनी या प्रकरणातील काही पुरावे न्यायालयातही सादर करण्याची प्रक्रिया सुरू केली आहे. मात्र, प्रकरण अद्याप न्यायप्रविष्ट असून अंतिम निर्णय न्यायालयाकडून होणे बाकी आहे.

पोलिसांची पुढील भूमिका काय?

व्हायरल झालेल्या व्हिडिओनंतर पोलिसांकडून या कथित हातवाऱ्यांची स्वतंत्र दखल घेतली जाणार का, याकडे सर्वांचे लक्ष लागले आहे. या प्रकरणात स्वतंत्र गुन्हा दाखल होणार की नाही, याबाबत अद्याप अधिकृत माहिती समोर आलेली नाही.

महत्त्वाचे मुद्दे

• केतन अग्रवाल मृत्यू प्रकरणातील आरोपी सिया गोयलचा कथित हातवाऱ्यांचा व्हिडिओ व्हायरल.
• तपासासाठी पोलिसांनी तिला तिच्या घरी नेले होते.
• घरातून बाहेर आणल्यानंतर पत्रकारांच्या दिशेने कथित अश्लील हातवारे केल्याचा दावा.
• सोशल मीडियावर व्हिडिओवरून तीव्र चर्चा आणि विविध प्रतिक्रिया.
• प्रकरणाचा तपास सुरू असून न्यायालयाचा अंतिम निर्णय अद्याप आलेला नाही.
• व्हायरल व्हिडिओवर पोलिसांकडून कोणती कारवाई होते, याकडे सर्वांचे लक्ष.