हे ही वाचा : जळगाव : प्रेम संबंधातून विवाहितेच्या डोक्यात गोळी घालून स्वतःलाही संपवलं, मुलीनं दार उघडून पाहताच...

स्कूटीवरुन 370 किमीचा प्रवास

निखिलचे एका तरुणीवर प्रेम होते. मात्र, गेल्या काही दिवसांपासून तिने त्याच्याशी बोलणे बंद केले होते, ज्यामुळे तो प्रचंड मानसिक तणावात होता. ती तरुणी दोन दिवसांपूर्वीच उज्जैनमधील आपल्या मोठ्या बहिणीकडे आली होती. निखिल आपल्या प्रेयसीशी बोलण्यासाठी इतका व्याकुळ होता की, तो आपली स्कूटी घेऊन तो त्याच्या गावातून थेट उज्जैनला पोहोचला. या दोन ठिकाणांमध्ये 370 किलोमीटरचं अंतर आहे.  शनिवारी सायंकाळी 5:30 ते 6:00 च्या सुमारास तो तरुणीच्या बहिणीच्या घरात शिरला. प्रत्यक्षदर्शनींनी दिलेल्या माहितीनुसार, घरात शिरताच निखिलने गोंधळ घालण्यास सुरुवात केली. त्याने तरुणीची मोठी बहीण आणि मुलाला एका खोलीत कोंडले आणि तरुणीकडे बोलण्याचा हट्ट धरला. 'तुझी बहीण माझ्याशी बोलत नाहीये, तिला माझ्याशी बोलायला सांग,' असे तो ओरडून सांगत होता.

बोलणार नाही म्हणताच झाडली गोळी

जेव्हा तरुणीने त्याच्याशी बोलण्यास स्पष्ट नकार दिला आणि त्याला तिथून निघून जाण्यास सांगितले, तेव्हा निखिल घराच्या अंगणात गेला. तिथे त्याने आपल्याकडे असलेल्या पिस्तुलने थेट स्वतःच्या छातीत गोळी झाडून घेतली. गोळीबाराच्या आवाजाने परिसरात एकच खळबळ उडाली.

हे ही वाचा : गडचिरोलीत बँकेची संवेदनशून्यता, कोमातील वृद्धेला न्यावे लागले थेट बँकेत; शाखा व्यवस्थापकाचा आडमुठेपणा

पोलिसांकडून तपास सुरु

घटनेची माहिती मिळताच नीलगंगा पोलीस आणि सीएसपी दीपिका शिंदे यांनी घटनास्थळी धाव घेतली. पोलिसांनी मृतदेह ताब्यात घेऊन पोस्ट मार्टमसाठी जिल्हा रुग्णालयात पाठवला आहे. निखिलकडे बेकायदेशीर पिस्तुल कोठून आले आणि त्याचा उद्देश केवळ स्वतःला संपवण्याचा होता की तरुणीच्या कुटुंबावरही हल्ला करण्याचा होता, याचा तपास पोलीस करत आहेत. सध्या पोलीस नातेवाईकांचे जबाब नोंदवून घेत असून प्रकरणाची सखोल चौकशी सुरू आहे.