जीन्स घालण्यापासून रोखलं अन्..

मिळालेल्या माहितीनुसार, गौरीचा विवाह काही वर्षांपूर्वी राहुल प्रजापत याच्याशी झाला होता. मात्र, लग्नानंतर काही दिवसातच कुटुंबात कपड्यांच्या निवडीवरून वाद होऊ लागले. गौरीला जीन्स घालण्यापासून सासरच्यांकडून मज्जाव केला जात असे, ज्यावरून वारंवार खटके उडत होते. याच त्रासाला कंटाळून गौरी गेल्या काही दिवसांपासून प्रचंड नैराश्यात होती. घटनेच्या दिवशी ती आपल्या खोलीत होती; बराच वेळ झाला तरी ती बाहेर न आल्याने पती राहुलने तिला आवाज दिला, मात्र आतून कोणताही प्रतिसाद मिळाला नाही.

हे ही वाचा : महाराष्ट्र हादरला, सरकारी अधिकाऱ्यासमोर RTI कार्यकर्त्याची हत्या, नेमकं प्रकरण काय?

कुटुंबियांची चौकशी सुरु

प्रतिसाद न मिळाल्याने कुटुंबीयांना संशय आला आणि त्यांनी खोलीचा दरवाजा उघडला. त्यावेळी गौरी गळफास घेतलेल्या अवस्थेत आढळली, हे दृश्य पाहून सर्वांनाच मोठा धक्का बसला. घटनेची माहिती तात्काळ द्वारकापुरी पोलिसांना देण्यात आली. पोलिसांनी घटनास्थळी धाव घेत मृतदेह ताब्यात घेतला आणि पोस्ट मार्टमसाठी रुग्णालयात पाठवला. पोलिसांनी घटनास्थळाचा पंचनामा केला असून कुटुंबीयांची चौकशी सुरू केली आहे.

हे ही वाचा : कल्याण : भोंदूबाबाने आईला बाहेर पाठवलं, अन् मुलीला तोकड्या कपड्यात बसवून...

छुप्या कारणांचा शोध

अतिरिक्त पोलीस उपायुक्त अमरेंद्र सिंह यांनी सांगितले की, या प्रकरणी मर्ग दाखल करण्यात आला असून सर्व बाजूने तपास केला जात आहे. प्राथमिक माहितीनुसार कपड्यांचा वाद आत्महत्येचे कारण असल्याचे दिसत असले, तरी यामागे अन्य काही छुपे कारण आहे का, याचा शोध पोलीस घेत आहेत. मृत गौरीचे नातेवाईक आणि जवळच्या व्यक्तींचे जबाब नोंदवले जात असून, पोस्ट मार्टम अहवाल प्राप्त झाल्यानंतर पुढील कायदेशीर कारवाई केली जाईल. या घटनेमुळे गौरीच्या माहेरच्या लोकांचा आक्रोश सुरू असून परिसरात हळहळ व्यक्त केली जात आहे.