हे ही वाचा : बायकोच्या माहेरी गेला अन् अल्पवयीन मेहुणीला बघून नियत फिरली; दाजीचं घृणास्पद कृत्य अन्...

गणिताचा पेपर सुरु असतानाच दिला बाळाला जन्म

धार जिल्ह्यातील एका परीक्षा केंद्रावर ही विद्यार्थिनी पेपर देण्यासाठी आली होती. परीक्षा सुरू असतानाच तिच्या पोटात अचानक तीव्र कळा सुरू झाल्या. ती तातडीने स्वच्छतागृहात गेली, तिथे तिने एका बाळाला जन्म दिला. परीक्षा केंद्र संचालकांना या प्रकाराची माहिती मिळताच त्यांनी तात्काळ १०८ रुग्णवाहिकेला पाचारण केले. विद्यार्थिनी आणि नवजात बालकाला तातडीने पीथमपूर येथील सामुदायिक आरोग्य केंद्रात दाखल करण्यात आले. सध्या माता आणि बाळ दोघांचीही प्रकृती स्थिर असून ते डॉक्टरांच्या देखरेखीखाली आहेत.

'कान्हा'ने केले अत्याचार

या गंभीर प्रकरणाची माहिती मिळताच पोलिसांनी पीडित मुलीची विचारपूस केली. यावेळी तिने धक्कादायक खुलासा केला की, गेल्या दोन वर्षांपासून बेटमा येथील जीवन ज्योती कॉलनीतील 'कान्हा' नावाचा तरुण तिच्या संपर्कात होता. लग्नाचे आमिष दाखवून आणि धाक दाखवून तो तिच्यावर वारंवार शारीरिक अत्याचार करत होता. या छळातूनच तिला गर्भधारणा झाली होती. पीडितेच्या जबाबानुसार, पोलिसांनी संशयित आरोपीविरुद्ध गुन्हा नोंदवला असून त्याचा शोध सुरू केला आहे.

हे ही वाचा : 21 वर्षीय लेकाने 49 वर्षीय वडिलांनी केली हत्या, नंतर तुकडे ड्राममध्ये भरले, हादरवून टाकणारी घटना

आरोपीचा शोध सुरु

पोलिसांनी सांगितले की, घटनेची माहिती मिळताच पोलीस पथक घटनास्थळी आणि रुग्णालयात पोहोचले होते. सध्या पोलिसांनी गुन्हा दाखल करून पुढील तपासासाठी संबंधित पोलीस ठाण्याकडे हे प्रकरण सोपवले आहे. अल्पवयीन मुलीवर झालेल्या या अत्याचारामुळे संताप व्यक्त केला जात असून, आरोपीला लवकरच अटक करून कठोर कायदेशीर कारवाई केली जाईल, असे आश्वासन पोलिसांनी दिले आहे.