हे ही वाचा : कागदोपत्री मेलेला आरोपी भररस्त्यात स्कूटी चालवताना सापडला; 12 वर्षानंतर कसं बाहेर आलं प्रकरण?

इंस्टाग्रामवर ओळख

या घटनेची सुरुवात इंस्टाग्रामवरुन झाली. इंस्टाग्रामवर पीडित तरुणाची ओळख एका तरुणीशी झाली. यानंतर तिने त्याला भेटण्यासाठी मैहर येथील घंटाघर परिसरात बोलावले. तिथे कॉफी हाऊसमध्ये एकत्र नाष्टा केल्यानंतर, तरुणीने त्याला आपल्या घरी सोडण्याची विनंती केली. तरुण तिला घरी सोडायला गेला असता, तिने त्याला पाणी पिण्याच्या बहाण्याने आत बोलावले. तो आत जाताच तिथे आधीच दबा धरुन बसलेल्या तरुणीच्या तीन साथीदारांनी त्याला घेरले आणि मारहाण करायला सुरुवात केली.

15 तास ठेवलं ओलिस

आरोपींनी तरुणाला सकाळी 10 वाजल्यापासून ते रात्री दीड वाजेपर्यंत ओलीस ठेवले होते. या दरम्यान त्याला बेल्ट, काठ्या आणि लोखंडी रॉडने अमानुषपणे मारहाण करण्यात आली. इतकंच नाही तर, आरोपींनी त्याचे कपडे उतरवून विवस्त्र व्हिडिओ बनवला आणि तो व्हायरल करण्याची धमकी देऊन ब्लॅकमेल करण्यास सुरुवात केली आणि आरोपींनी तरुणाकडून 'फोन-पे'च्या माध्यमातून 56 हजार रुपये उकळले. तिथून सुटका झाल्यानंतर तरुणाने तातडीने पोलीस स्टेशनमध्ये जाऊन तक्रार नोंदवली.

हे ही वाचा : Govt Job: पंजाब नॅशनल बँकेत 5100 हून अधिक पदे भरली जाणार! पदवीधरांसाठी मोठी संधी...

हनीट्रॅपची शिकार

मैहर पोलीस स्टेशनचे प्रभारी अनिमेष द्विवेदी यांनी प्रकरणाचे गांभीर्य ओळखून तातडीने सापळा रचला आणि तरुणीसह तिच्या साथीदारांच्या मुसक्या आवळल्या. तपासात असे समोर आले आहे की, या संपूर्ण 'हनीट्रॅप' टोळीचा मास्टरमाईंड 'विक्की' नावाचा तरुण असून, त्याच्यावर यापूर्वीच विविध पोलीस ठाण्यांत 10 हून अधिक गुन्हे दाखल आहेत. सध्या पोलीस सर्व आरोपींची कसून चौकशी करत असून, या टोळीने आतापर्यंत अजून किती जणांना आपली शिकार बनवले आहे, याचा शोध घेत आहेत.