परपुरुषासोबतचा अश्लील फोटो बॉयफ्रेंडला दिसताच लॉजवर मोठं कांड, पुण्याच्या वाकडमधील घटनेने खळबळ

चाकू आणि लोखंडी पानाचा वापर करून मेरीचा खून

पोलिस उपायुक्त विशाल गायकवाड यांच्या माहितीनुसार, दिलावर सिंग आणि मेरी तेलगु यांच्यात प्रेमसंबंध होते. मात्र, मेरीने दुसऱ्या व्यक्तीसोबत संबंध ठेवत असल्याची त्याला शंका होती. घटनेदिवशी दिलावर सिंग ने मेरीला वाकड येथील काळाखडक परिसरातील लॉजमध्ये बोलावले. तिथे तिचा मोबाईल तपासताना त्यात दुसऱ्या पुरुषासोबतचे फोटो सापडले. यामुळे संतापलेल्या दिलावर सिंगने सोबत आणलेल्या चाकू आणि लोखंडी पानाचा वापर करून मेरीचा खून केला.

हेही वाचा : 'पश्चाताप होतोय, तेव्हाच अनंत तरेंचं ऐकलं असतं तर शाहांच्या चरणी लोटांगण घेणारे...', उद्धव ठाकरेंचं मोठं वक्तव्य

प्रेयसीचा खून करुन थेट पोलीस ठाण्यात पोहोचला

घटनेनंतर संशयित स्वतः पुण्यातील कोंढवा पोलिस ठाण्यात गेला आणि खून केल्याचे कबूल केले. कोंढवा पोलिसांनी पिंपरी-चिंचवड पोलिसांना माहिती दिली. तत्काळ वाकड पोलिस घटनास्थळी पोहोचले आणि लॉजमधील खोलीत मेरीचा मृतदेह आढळला. मृतदेह पुढील तपासासाठी पाठवण्यात आला. याप्रकरणी वाकड पोलिस ठाण्यात गुन्हा नोंदवण्याची प्रक्रिया रात्री उशिरापर्यंत सुरू होती.

दरम्यान, विद्येचं माहेर घर असलेल्या पुण्यात गुन्हेगारी मोठ्या प्रमाणात वाढल्याचं समोर आलं आहे. सातत्याने खून अन् कोयता गँगच्या घटना समोर येत आहेत. पुणे पोलीस गुन्हेगारीला आळा घालण्यास सपशेल अपयशी ठरल्याचं समोर आलं आहे. गृहमंत्र्यांनी पुण्यातील परिस्थितीवर लक्ष द्यावं, अशी मागणी देखील सामान्य नागरिकांकडून करण्यात येत आहे. 

हेही वाचा : 20 वर्षे लहान तरुणासोबत जुळले पाच मुलांच्या आईचे सूत! लिव्ह-इन-रिलेशनमध्ये राहिली... पण, पतीची आठवण आली अन् भररस्त्यात...