पुणे : टीव्ही बंद करुन माझ्या डोळ्यात ड्रॉप टाक, वडिलांनी काम सांगताच मुलगा संतापला; जन्मदात्याला संपवलं

वडिलांनी काम सांगितल्याचा राग, मुलाने बापाला संपवलं 

पोलिसांच्या माहितीनुसार, पायगुडे कुटुंब जय भवानी नगरमधील चाळ क्रमांक 2 येथे राहते. दसऱ्याच्या दिवशी दुपारी साडेबारा वाजता सचिन घराच्या माळ्यावर टीव्ही पाहत बसला होता. त्यावेळी वडील तानाजी यांनी त्याला टीव्ही बंद करून डोळ्यात ड्रॉप टाकायला सांगितले. या किरकोळ कारणावरून वडील-मुलामध्ये बाचाबाची झाली. वाद वाढल्यानंतर सचिनचा राग अनावर झाला आणि त्याने स्वयंपाकघरातील चाकू घेऊन थेट आपल्या वडिलांवर वार केले. तोंड आणि गळ्यावर झालेल्या वारांमुळे तानाजी यांचा जागीच मृत्यू झाला.

हेही वाचा : बेदम मारहाण, नंतर बोटंच छाटली अन् अखेर... मुलांसमोरच वडिलांची निर्घृण हत्या! छत्रपती संभाजीनगरमध्ये काय घडलं?

दसऱ्याच्या दिवशीच मुलाने केला बापाचा खून 

ही धक्कादायक घटना घडताच कोथरूड पोलीस घटनास्थळी दाखल झाले आणि आरोपी मुलगा सचिनला ताब्यात घेतले. त्याच्यावर खुनाचा गुन्हा नोंदवण्यात आला आहे. दसरा सणाच्या दिवशी घरात आनंदाचे वातावरण असताना एका किरकोळ कारणावरून मुलानेच वडिलांचा जीव घेतल्याने परिसरातील नागरिकांमध्ये प्रचंड संताप आणि भीतीचे वातावरण पसरले आहे. याप्रकरणी कोथरूड पोलिसांचा तपास सुरू आहे.

हेही वाचा : Mumbai Crime : 500 रुपये म्हणत वेश्येनं तरुणाला नेलं लॉजवर, नंतर अश्लील व्हिडिओ बनवत... बाईच्या नादानं सारंच लुबाडलं