ढाब्यावर पोलिसांनी आवळल्या सोनमच्या मुसक्या! पती राजाची हत्या का केली? समोर आली मोठी अपडेट

हेही वाचा : लोणावळ्यात तरुणांनी भुशी डॅमचं कुंपण ओलांडलं, धपा धप मारल्या उड्या अन् नंतर गटांगळ्या खात...

नेमकं घडलं काय? 

रविवारी पहाटे 3 ते 4 वाजण्याच्या सुमारास सोनम गाजीपूरच्या नंदगंज भागातील एका हॉटेलवर पोहोचली असल्याचे सांगण्यात येत आहे. तिथून तिने एका हॉटेल मालकाला फोनद्वारे आपला भाऊ गोविंदला व्हिडिओ कॉलद्वारे संपर्क करत तिने स्वत: गाजीपूर येथे असल्याचे सांगितले. या घटनेदरम्यान, गोविंदने तात्काळ इंदूर पोलिसांना माहिती दिली. दरम्यान, हॉटेल मालकाने 112 वर फोनद्वारे संपर्क साधत पोलिसांनी तिला ताब्यात घेतलं आणि नंतर वन स्टॉप सेंटरमध्ये पाठवण्यात आले. 

अशातच आता आजतक या वृत्त वाहिनेनं सांगितलं की, पोलीस तपासातून समोर आलं की, सोनमचे लग्नापूर्वीच राज कुशवाह नावाच्या एका तरुणासोबत प्रेमसंबंध होते. यामुळे तिने तिचा पती राजा रघुवंशीच्या खूनाचा कट रचण्यात आला आणि कटाप्रमाणे निष्पाप तरुणाची हत्या करण्यात आली. 

या प्रकरणाची चौकशी करण्यासाठी मेघालय पोलिसांनी एसआयटी स्थापन केली होती. या प्रकरणात आतापर्यंत तीन आरोपींना अटक करण्यात आली आहे. या दोन आरोपींना इंदूर आणि एकाला उत्तर प्रदेशातून अटक करण्यात आली आहे. एक आरोपी अजूनही फरार असून पोलीस या प्रकरणाचा शोध घेत आहेत. 

हेही वाचा : सावत्र वडिलांनी अल्पवयीन मुलीला ठेवलं बंद दाराआड, नंतर कुंटणखाण्यात...

राजा आणि सोनम हे 20 मे रोजी हनिमूनसाठी मेघालयातील शिलाँगला पोहोचले होते. 23 मे रोजी दोघेही नोंगरियाट गावातील होमस्टेमधून चेक आउट केल्यानंतर बेपत्ता झाले. दरम्यान, दुसऱ्या दिवशी 24 मे रोजी त्यांची गाडी एका सोहरिमच्या परिसरात आढळली. त्यानंतर 2 जून रोजी राजाचा मृतदेह वेइसावडोंग धबधब्याजवळील एका खोल दरीत सापडला.