प्रेमसंबंधातून हत्या?

या हत्येमागे प्रेमसंबंधांचे कारण असल्याचे समोर आले आहे. मोनुचे फरीदाबादमधील तिगाव परिसरातील एका अल्पवयीन मुलीसोबत गेल्या आठ महिन्यांपासून प्रेमसंबंध होते. मात्र, मुलीच्या कुटुंबाचा या संबंधांना कडाडून विरोध होता. महिनाभरापूर्वी ती मुलगी घर सोडून निघून गेल्याने मुलीच्या कुटुंबीयांनी मोनुविरुद्ध अपहरणाचा गुन्हा दाखल केला होता. काही दिवसांनी ती मुलगी दिल्लीत सापडली, तरीही दोन्ही कुटुंबांमधील वाद मिटला नव्हता. 17 मे रोजी मोनु पोलिसांच्या तपासात सहकार्य करण्यासाठी फरीदाबादला जात असल्याचे सांगून घरातून निघाला होता, मात्र तिथे पोहोचताच मुलीच्या नातेवाईकांनी त्याचे वाटेतूनच अपहरण केले.

हे ही वाचा : टॉयलेटमध्ये अडकलं नवजात बाळ, 14 वर्षीय आईनं हे काय केलं?

अमानुष मारहाण अन् मृत्यू

अपहरण केल्यानंतर मोनुला शेतातील एका घरात आणि ट्यूबवेलवर डांबून ठेवण्यात आले. तिथे तीन दिवस त्याला पाशवी मारहाण करण्यात आली, अशी माहिती पोस्ट मार्टममधून समोर आली आहे. या धक्कादायक अहवालानुसार, मारहाणीमुळे मोनुच्या डोक्याची आणि नाकाची हाडे तुटली होती, तर छातीच्या बरगड्या थेट फुफ्फुसात घुसल्या होत्या. संपूर्ण शरीरावर खोल जखमांच्या खुणा होत्या. त्याची प्रकृती अत्यंत खालावल्यानंतर आरोपी त्याला रस्त्यावर फेकून पसार झाले. या हत्येप्रकरणी फरीदाबाद पोलिसांनी 3 महिलांसह एकूण 15 जणांविरुद्ध अपहरण, हत्या आणि इतर गंभीर कलमांखाली गुन्हा दाखल केला असून आरोपींच्या अटकेसाठी छापेमारी सुरू केली आहे.

हे ही वाचा : Govt Jobs : नाशिकच्या करन्सी नोट प्रेसमध्ये नोकरीची संधी, पात्रतेचे निकष काय?

सुनियोजीत कट

या घटनेमुळे सैदपूर गावात आणि क्रीडा जगतात तीव्र शोककळा पसरली असून गावकऱ्यांनी याला सुनियोजित कट रचून केलेली हत्या म्हटले आहे. मोनुच्या पार्थिवावर अत्यंत शोकाकुल वातावरणात अंत्यसंस्कार करण्यात आले असून त्याच्या कुटुंबीयांनी आरोपींना कठोर शिक्षेची मागणी केली आहे. तथाकथित प्रतिष्ठा आणि नात्यांच्या नावाखाली कायदा हातात घेणाऱ्यांच्या या कृत्याने पुन्हा एकदा समाजातील क्रूरता आणि कायदा-सुव्यवस्थेवर मोठे प्रश्नचिन्ह निर्माण केले आहे.