सातारा : काकाने अल्पवयीन मुलीला फूस लावून पळवलं, गरोदर असल्याचं समजताच कोयना धरणाच्या किनारी...

हेही वाचा : आमच्या काळजाचा विषय, आरोग्य विभागाच्या कर्मचाऱ्याच्या WhatsApp स्टेटसला वाल्मिक कराडचे फोटो

काका असलेल्या आरोपीने मृतदेह कोयना धरणाच्या किनारी पुरला

अधिकची माहिती अशी की, ज्ञानदेव तुकाराम सुतार याने अल्पवयीन मुलीला 2024 मध्ये फूस लावून पळवून नेल होते. या प्रकरणी कोयना नगर पोलीस ठाण्यात तक्रार देखील दाखल करण्यात आली होती. दरम्यान, ठाणेनगर पोलिसांनी संशयित आरोपीला ताब्यात घेतल्यानंतर चौकशी केली. यातून सर्वात मोठा खुलासा झालाय. मुलगी गरोदर असल्याचं समजताच काकाने हा सगळा प्रकार उघडकीस येईल म्हणून तिचा गळा दाबून खून केल्याची कबुली दिली आहे.

पोलिसांनी उत्खनन करून मुलीचा मृतदेह बाहेर काढला

दरम्यान, खून केल्यानंतर काका असलेल्या आरोपीने मृतदेह कोयना धरणाच्या किनारी पुरला. आता पोलिसांनी उत्खनन करून मुलीचा मृतदेह बाहेर काढला असून, पंचनामा आणि शवविच्छेदनानंतर तो नातेवाईकांच्या ताब्यात देण्यात आला. संशयित काकाने गुन्ह्याची कबुली करुन दिल्यानंतर पोलिसांनी घटनास्थळी धाव घेतली. कोयना धरणाच्या किनारी पुरलेला मृतहेत स्थानिक गुन्हे शाखा, तहसील प्रशासन आणि वैद्यकीय पथकाच्या उपस्थितीत बाहेर काढण्यात आलाय. 

आरोपी सुतार याने ऑगस्ट 2024 मध्ये अल्पवयीन मुलीला फूस लावून पळवून नेलं होतं. मात्र, त्यानंतर काय घडलं? हे अद्याप समोर आलेलं नाही. मात्र, मुलगी गरोदर असल्याचं समजल्यानंतर काकाने सगळा प्रकार उघडकीस होईल म्हणून तिचा काटा काढलाय. 
 

इतर महत्त्वाच्या बातम्या 

दारु पिऊन एसटी चालवली म्हणून गुन्हा दाखल झाला, अन् चालकाने बसमध्येच गळफास घेतला; आहिल्यानगरमधील घटना