सातारा : वॉशरुममध्ये अश्लील शब्द, पालकांना बोलवण्याची चर्चा अन् तरुणीची तिसऱ्या मजल्यावरुन उडी

हेही वाचा : इंदापूर : जमिनीसाठी पोटच्या पोरांनी आई बापाला मारलं, विभक्त राहणाऱ्या लेकरांकडून हल्ला! VIDEO

वॉशरुममध्ये आक्षेपार्ह शब्द लिहिल्याचा प्रकार अन् पालकांना बोलावण्याची चर्चा 

प्राथमिक माहितीनुसार, हॉस्टेलच्या बाथरूममध्ये काही आक्षेपार्ह शब्द लिहिल्याचा प्रकार समोर आला होता. या प्रकरणाच्या पार्श्वभूमीवर संबंधित विद्यार्थिनींच्या पालकांना कॉलेज प्रशासनाकडून बोलावले जाऊ शकते, अशी चर्चा हॉस्टेलमध्ये सुरू होती. याच चर्चेमुळे सृष्टी मानसिकदृष्ट्या त्रस्त आणि भयभीत झाली होती, असे सांगितले जात आहे. मात्र, केवळ पालकांना बोलावले जाण्याच्या चर्चेमुळेच तिने हे पाऊल उचलले की त्यामागे आणखी काही कारण होते, हे अद्याप स्पष्ट झालेले नाही. त्यामुळे सृष्टीच्या आत्महत्येमागील नेमके कारण काय, याचा तपास महत्त्वाचा ठरणार आहे.

हेही वाचा : Maharashtra Weather : येरे येरे पावसा, काही जिल्ह्यांना पावसाचा यलो आणि ऑरेंज अलर्टचा अंदाज

घटनास्थळावरून चिठ्ठी मिळाल्याची माहिती समोर

घटनेनंतर घटनास्थळावरून एक चिठ्ठीही मिळाल्याची माहिती समोर आली आहे. या चिठ्ठीत नेमके काय लिहिले आहे आणि त्यातून सृष्टीच्या आत्महत्येच्या कारणाबाबत काही पुरावा मिळतो का, याचा तपास पोलीस करत आहेत. चिठ्ठीतील मजकूर या प्रकरणातील महत्त्वाचा दुवा ठरू शकतो. सृष्टी कोणत्या मानसिक दबावाखाली होती आणि तिने हे टोकाचे पाऊल का उचलले, याचा शोध घेण्यासाठी पोलिसांकडून या प्रकरणातील विविध बाबींची माहिती घेतली जात आहे.

दरम्यान, सातारा शहर पोलिसांनी घटनास्थळी पोहोचून पंचनामा केला असून पुढील तपास सुरू केला आहे. पोलीस कॉलेज प्रशासन, हॉस्टेल व्यवस्थापन आणि घटनास्थळी उपस्थित असलेल्या विद्यार्थिनींकडूनही माहिती घेत आहेत. 19 वर्षीय सृष्टीने अचानक घेतलेल्या या आत्मघाती निर्णयामुळे अनेक प्रश्न उपस्थित झाले आहेत. ती नेमक्या कोणत्या दबावाखाली होती, पालकांना बोलावण्याच्या चर्चेमुळे ती घाबरली होती का किंवा यामागे आणखी काही कारण आहे, याचा उलगडा तपासातून होण्याची शक्यता आहे. सध्या सातारा शहर पोलीस या संपूर्ण प्रकरणाचा तपास करत असून तपासानंतरच सृष्टीच्या मृत्यूमागील वास्तविक कारण स्पष्ट होणार आहे.