शाहापूरमध्ये आश्रम शाळेतील 22 विद्यार्थिनींवर कर्मचाऱ्याकडून विनयभंग, आरोपीला अटक

हे ही वाचा : शिक्षकाकडून विद्यार्थिनीला शिक्षा, पीडितेनं शाळेतच संपवलं जीवन

शाळेतील मदतनीस विद्यार्थिनींना करायचा चुकीचा स्पर्श 

विद्यार्थिनींच्या जेवणानंतर ताट ठेवण्यासाठी स्वयंपाकघरात गेल्यावर गवळी त्यांना अयोग्यरित्या स्पर्श करायचा, असा आरोप आहे. सर्वात धक्कादायक बाब अशी की, यापूर्वी 2024 मध्ये दुसऱ्या एका आदिवासी आश्राम शाळेत शाळेत एका अल्पवयीन विद्यार्थिनीचा विनयभंग केल्याचा आरोप गवळीवर केला. त्याला पोलिसांनी पॉक्सो कायद्यांतर्गत गुन्हा दाखल करत अटक केली. एवढं करूनही, त्याची बदली करून दुसऱ्या ठिकाणी मुलींच्या आश्रामशाळेत पाठवले. 

24 ऑगस्ट रोजी एका विद्यार्थिनीने धाडस दाखवत करून शाळेच्या मुख्याध्यापिकेकडे जाऊन गवळीबद्दल तक्रार दाखल केली, तेव्हा हे प्रकरण उघडकीस आले. दरम्यान, एका विद्यार्थिनीच्या कृतीनंतर, शाळेतील एका विद्यार्थिनीच्या कृतीनंतर, शाळेतील इतर 21 विद्यार्थिनींनी पुढाकार घेत सर्व मुलींच्या सह्या असलेली एक लेखी तक्रार मुख्याध्यापिकेकडे सादर करण्यात आली होती. 

विद्यार्थिनींची अधीक्षकांकडे तक्रार दाखल

तक्रारीत म्हटलं की, गवळी जेवणानंतर ताट ठेवायला जाताना किंवा जवळून जाताना विद्यार्थिनींवर वारंवार स्पर्श करायचा. सर्वात लज्जास्पद बाब अशी की, जेव्हा मुलींनी शाळेच्या अधीक्षकांकडे तक्रार दाखल केली, तेव्हा त्यांचे म्हणणे ऐकून घेण्याऐवजी ते संतापले आणि त्यांनी यापूर्वी काही विद्यार्थिनींशी गैरवर्तन केल्याचे कबुल केले होते. 

या प्रकरणी स्थानिक अधिकाऱ्यांनी संपर्क साधला असता, शाहापूर तालुक्याचे उपविभागीय पोलीस अधिकारी विशाल नागरगोजे यांनीही प्रतिसाद दिला. दरम्यान, शाहापूरमधील एकात्मिक आदिवासी विकास प्रकल्प कार्यालयालाही विचारणा करण्यात आली की, एका अल्पवयीन विद्यार्थिनीचा विनयभंग केल्याबाबत गवळीला एकदा अटक झाली असता, जामिनावर सुटल्यानंतर आणि मुलींच्या शाळेत त्यांची पुनर्नियुक्ती केल्यानंतर त्यांचे निलंबन का रद्द केले. 

हे ही वाचा : Astrology : आजपासून 'षडाष्टक योग' निर्मिती, 'या' राशींवर संकट कोसणार

दरम्यान आरोपी गवळी विरोधात एफआरआय दाखल करण्यात आला असून पॉक्सो कायद्यांतर्गत गुन्हा दाखल केला. या प्रकरणी आरोपीला अटक करण्यात आली. या प्रकरणी आदिवासी विकास विभागाच्या अधिकाऱ्यांनी सांगितलं की, गवळीवर कठोर कारवाई केली जाईल आणि आश्रम शाळांमध्ये असा घटना पुन्हा घडू नये यासाठी उपाययोजना केल्या जातील, असे सांगितले.