"त्या काकांनी मला चॉकलेट दिलं आणि माझ्यासोबत..." 8 वर्षांच्या अल्पवयीन मुलीसोबत 67 वर्षीय वृद्धाचं घृणास्पद कृत्य!

भरपूर चॉकलेट्स आणि पैसे सुद्धा दिले...

संबंधित प्रकरण हे बिजनौरच्या नगीना कस्बा येथील असल्याचं समोर आलं आहे. येथे राहणारी एक 8 वर्षांची मुलगी दररोज शाळेत असताना आरोपी शाहिद तिला चॉकलेट द्यायचा. गुरुवारी दुपारी 4 वाजताच्या सुमारास पीडिता तिच्या घरी पोहोचली असता तिच्याजवळ भरपूर चॉकलेट्स आणि दहा रुपयांची नोटसुद्धा होती. मुलीच्या आईने पीडितेला तिच्याजवळ असलेल्या चॉकलेट्स आणि पैशांबद्दल विचारलं असता, मुलीने तिच्यासोबत घडलेली घटना सांगितली आणि तिच्या आईला मोठा धक्का बसला. 

चॉकलेट्सचं आमिष दाखवून अश्लील कृत्ये...

पीडिता तिच्या आईला म्हणाली की, शाळेत जात असताना दाढी असलेला एक वृद्ध माणूस तिला नेहमी चॉकलेट आणि बिस्किटे देतो. इतकेच नव्हे तर तो, तिच्याशी घाणेरड्या पद्धतीने बोलतो. हे ऐकून मुलीच्या आईने तिला त्या दाढीवाल्या व्यक्तीकडे घेऊन जाण्यास सांगितलं. मुलगी आणि तिची आई आरोपी शाहिदकडे गेल्यावर शाहिद घाबरला. त्याने त्याचे वय सांगून तिला शांत राहण्याची विनंती केली. मात्र, मुलीच्या आईने त्या ठिकाणी गोंधळ घातला आणि 112 वर कॉल करून पोलिसांना बोलावलं. 

हे ही वाचा: एकाच कंपनीत दोघांमध्ये प्रेमसंबंध... पण 'त्या' कारणामुळे विवाहित महिलेची निर्घृण हत्या! मृतदेहाचे तुकडे केले अन्...

आरोपी वृद्धाविरुद्ध गुन्हा दाखल 

त्यानंतर, पीडितेच्या आईने शाहिदला शिवीगाळ केली. पोलीस सुद्धा त्यावेळी घटनास्थळी पोहोचले आणि पोलिसांनी आरोपीला पोलिस ठाण्यात नेलं. त्यानंतर, महिलेने नगीना पोलिस ठाण्यात आरोपीविरुद्ध लेखी तक्रार दाखल केली आणि शाहिदविरुद्ध गुन्हा दाखल करण्याची विनंती केली. यावर कारवाई करत पोलिसांनी घृणास्पद कृत्य, अश्लीलता आणि लैंगिक गुन्ह्यांपासून मुलांचे संरक्षण (POCSO) कायद्याअंतर्गत गुन्हा दाखल केला.

पीडितेच्या आईने काय सांगितलं? 

महिलेने सांगितले की तिचा नवरा उत्तराखंडमध्ये काम करतो. ती त्यांच्या मुलांची काळजी घेण्यासाठी नगीना येथे राहते. आरोपी वृद्धाविरुद्ध तक्रार करताना पीडितेची आई म्हणाली की, "आरोपी माझ्या मुलीला मिठाई आणि इतर पदार्थांचं आमिष दाखवून आणि तिच्या लहान वयाचा तसेच निरागसतेचा फायदा घेत अश्लील कृत्ये करायचा. माझ्या मुलीला मी एके दिवशी याबद्दल विचारलं असता तिने सगळं काही मला सांगितलं." 

हे ही वाचा: बॉयफ्रेंड पोहचला गर्लफ्रेंडच्या घरी, थेट मृतदेहच आला घरी; काय घडलं ते तुम्हीच पाहा!

पोलिसांनी शाहिदविरुद्ध बलात्कार, अश्लीलता आणि लैंगिक गुन्ह्यांपासून मुलांचे संरक्षण (POCSO) कायद्याच्या कलमांखाली गुन्हा दाखल केला आहे आणि त्याला अटक करून तुरुंगात रवानगी करण्यात आली आहे.