चिप्स अन् कोल्ड्रिंकचं अमिष

या घटनेची माहिती मिळताच नंदग्राम पोलीस ठाण्याचे पथक, वरिष्ठ अधिकारी, फॉरेन्सिक सायन्स लॅब (FSL) आणि डॉग स्क्वाडसह घटनास्थळी दाखल झाले. मुलीच्या कुटुंबीयांनी अत्यंत गंभीर आरोप करत म्हटले आहे कि, नराधमांनी त्यांच्या मुलीला कुरकुरे, चिप्स आणि कोल्ड ड्रिंकचे आमिष दाखवून मॉलच्या आत नेले. तिथे तिच्यावर सामूहिक अत्याचार केल्यानंतर तिची हत्या करून शव बेसमेंटमध्ये फेकून देण्यात आला. कुटुंबीयांनी जेव्हा तिचा मृतदेह पाहिला, तेव्हा ती पूर्णपणे रक्ताने माखलेली होती आणि तिच्या डोक्यावर गंभीर दुखापतीच्या खुणा होत्या. या क्रूर कृत्याविरोधात पीडित कुटुंबाने आरोपींवर कडक कारवाई करण्याची मागणी केली आहे.

हे ही वाचा : 'पूजा करा, तुमच्या मुलाला नोकरी लागेल...' नागपुरातील भोंदू बाबाचा महिलेवर बलात्कार

एक वयस्क, तर दुसरा अल्पवयीन

घटनेचे गांभीर्य ओळखून पोलिसांनी तातडीने तपास चक्रावून मॉल आणि आसपासच्या परिसरातील सीसीटीव्ही फुटेज तपासण्यास सुरुवात केली. सीसीटीव्ही फुटेज आणि तांत्रिक पुराव्यांच्या आधारे पोलिसांनी अवघ्या काही तासांत दोन संशयितांची ओळख पटवली. याप्रकरणी पोलिसांनी एका वयस्क आरोपीला अटक केली असून एका अल्पवयीन मुलाला ताब्यात घेतले आहे. या दोन्ही आरोपींविरुद्ध हत्या, बलात्कार आणि पोक्सो कायदा (POCSO Act) अंतर्गत गुन्हा दाखल करण्यात आला असून त्यांची कसून चौकशी सुरू आहे.

हे ही वाचा : बाईक चोरीचा संशय, तरुणाला विजेचा शॉक; Video व्हायरल

मजूरांच्या सुरक्षिततेवर प्रश्नचिन्ह

पोलिसांनी सांगितले की, पीडित कुटुंबाच्या तक्रारीवरून गुन्हा दाखल करण्यात आला असून फॉरेन्सिक टीमने घटनास्थळावरून आवश्यक पुरावे गोळा केले आहेत. सध्या या प्रकरणाची सर्वात महत्त्वाची कडी शवविच्छेदन (पोस्टमॉर्टम) अहवाल असून, त्यानंतरच मृत्यूचे नेमके कारण स्पष्ट होईल. दरम्यान, या घटनेमुळे शेकडो मजूर कुटुंब राहत असलेल्या    बांधकामाधीन वास्तूंच्या सुरक्षा व्यवस्थेवर आणि व्यवस्थापनावर गंभीर प्रश्नचिन्ह निर्माण झाले आहे. मॉलच्या बेसमेंटसारख्या सुनसान भागात कोणालाही सहज प्रवेश कसा मिळाला आणि या निष्पाप मुलांच्या सुरक्षेची जबाबदारी कोणाची, असे अनेक प्रश्न उपस्थित होत आहेत.