लग्नानंतर सतत आजारी पडू लागला

तक्रारदार तरुणाचा विवाह 24 जून रोजी मध्य प्रदेशातील भांडेर येथील तरुणीशी हिंदू रितीरिवाजानुसार झाला होता. लग्न झाल्यानंतर अवघ्या दोन ते तीन आठवड्यांतच पत्नी आपल्याला चहा, दूध किंवा जेण्यातून गुंगीचे औषध देत असल्याचा संशय पतीला आला होता. आपण सतत आजारी पडत असल्याने त्याच्या मनात शंकेची पाल चुकचुकली होती, असे त्याने पोलिसांना सांगितले.

हे ही वाचा : नागपूर : 11 वर्षीय मुलीशी 24 वर्षीय तरुणाचे अश्लील चॅटिंग, शेवटी काय घडलं?

प्रियकरासोबत आक्षेपार्ह अवस्थेत

19 ऑगस्ट रोजी पत्नी घरात एकटी असताना एक तरुण भेटायला आल्याची माहिती शेजाऱ्यांनी पतीला दिली. त्यानंतर 23 ऑगस्ट रोजी तो तरुण पुन्हा घरी आल्याची कुणकुण लागताच पतीने घरी धाव घेतली. घराजवळ पोहोचून दरवाजा उघडताच पत्नी आणि तिचा प्रियकर आक्षेपार्ह स्थितीत असल्याचे त्याच्या निदर्शनास आले. हा प्रकार पाहताच दोघांनी मिळून पतीला मारहाण करण्यास सुरुवात केली.

हे ही वाचा : आधी बापाने केला बलात्कार, नंतर पुजाऱ्यानेही केलं लैंगिक शोषण; अल्पवयीन मुलीसोबत काय घडलं?

व्हिडीओ सोशल मीडियावर व्हायरल

पतीच्या आरडाओरड्यानंतर शेजाऱ्यांनी घटनास्थळी धाव घेत मध्यस्थी केली आणि पोलिसांना बोलावून परिस्थिती नियंत्रणात आणली. या घटनेचा व्हिडिओ सोशल मीडियावर मोठ्या प्रमाणात व्हायरल झाला आहे. याप्रकरणी पतीने आपल्या आणि कुटुंबीयांच्या सुरक्षिततेबद्दल भीती व्यक्त करत पोलिसांत धाव घेतली असून, वरिष्ठ पोलीस अधिकारी या संपूर्ण प्रकरणाची कसून चौकशी केली जात असल्याचे सांगितले आहे.