हे ही वाचा : कल्याण: "आई-बाबा त्रास करून घेऊ नका..." बारावीच्या परीक्षेच्या भितीने 17 वर्षीय विद्यार्थीनीने संपवलं आयुष्य!

नैराश्यातून उचलले टोकाचे पाऊल

मिळालेल्या माहितीनुसार, शुभमचे चरवा पोलीस स्टेशन हद्दीतील एका तरुणीवर गेल्या अनेक दिवसांपासून प्रेम होते. मात्र, तरुणीच्या कुटुंबीयांनी तिचे लग्न दुसऱ्या ठिकाणी निश्चित केले होते. मंगळवारी त्या तरुणीची वरात येणार असल्याची माहिती शुभमला मिळाली आणि तो प्रचंड मानसिक धक्क्यात गेला. या नैराश्यातूनच त्याने टोकाचे पाऊल उचलण्याचे ठरवले.

आत्महत्येपूर्वी सोशल मीडिया पोस्ट

आत्महत्या करण्यापूर्वी शुभमने सोशल मीडियावर त्या तरुणीसोबतचा आपला फोटो पोस्ट केला होता. या फोटोसोबत त्याने, "तुलाही घेऊन जाऊ, मलाही घेऊन जाऊ, तुला स्वीकारू आणि स्वत:ला गाडून घेऊ," (तुमको भी ले जाएंगे, हमको भी ले जाएंगे, तुमको अपनाएंगे, हमको दफनाएंगे) अशी भावूक आणि सूचक ओळ लिहिली होती. ही पोस्ट टाकल्यानंतर काही वेळातच त्याने बागेत जाऊन गळफास घेतला.

हे ही वाचा : शिक्षकाने गोठ्यात नेऊन तिसरीच्या विद्यार्थिनीवर केले अत्याचार, गुन्हा दाखल झाल्यानंतर इतर प्रकरणंही बाहेर

उपचारादरम्यान मृत्यू

शुभम गळफास घेतलेल्या अवस्थेत आढळल्यानंतर कुटुंबीयांनी त्याला तातडीने खाली उतरवून प्रयागराज येथील खाजगी रुग्णालयात नेले. मात्र, त्याची प्रकृती चिंताजनक असल्याने त्याला स्वरूप राणी नेहरू रुग्णालयात हलवण्यात आले, जिथे डॉक्टरांनी त्याला मृत घोषित केले. पोलिसांनी मृतदेह ताब्यात घेऊन पोस्ट मार्टमसाठी पाठवला असून, याप्रकरणी अधिक तपास सुरू असल्याचे पोलिसांनी सांगितले आहे.