हे ही वाचा : सोलापूर: जावयानेच केला सासऱ्याचा खून! ऊसाच्या शेतात गाठून निर्घृण हत्या; नंतर स्वत:वर सुद्धा चाकूने वार...

व्हिडिओ व्हायरल करण्याची धमकी देत अत्याचार

हा प्रकार सुमारे एक वर्षापूर्वी सुरू झाला. पीडितेचे कुटुंबीय घराबाहेर गेले असताना आरोपी सरताज याने घरात घुसून मुलीवर जबरदस्ती केली. केवळ अत्याचारच नाही, तर नराधमाने या कृत्याचे अश्लील फोटो आणि व्हिडिओही बनवले. हे व्हिडिओ सोशल मीडियावर व्हायरल करण्याची धमकी देऊन तो गेल्या वर्षभरापासून पीडितेवर दबाव टाकत राहिला. यामुळे घाबरलेल्या मुलीने हा प्रकार कोणालाही सांगितला नाही.

गोंडस मुलीला दिला जन्म

काही दिवसांपूर्वी पीडितेच्या पोटात दुखू लागल्याने कुटुंबीयांनी तिला उपचारासाठी दवाखान्यात नेले. तिथे अल्ट्रासाऊंड केल्यानंतर ती गरोदर असल्याचे समोर आले, ज्यामुळे पालकांना मोठा धक्का बसला. वारंवार विचारणा करूनही भीतीने तिने काहीच सांगितले नाही. सोमवारी तिला प्रसुती वेदना सुरू झाल्याने खाजगी रुग्णालयात दाखल करण्यात आले, जिथे तिने एका मुलीला जन्म दिला. त्यानंतर या संपूर्ण प्रकरणाचा उलगडा झाला आणि वडिलांनी पोलीस ठाणे गाठले.

हे ही वाचा : 10 वीचा गणिताचा पेपर सुरु असताना प्रसुती वेदना, विद्यार्थीनीने बाथरुममध्ये दिला बाळाला जन्म, माहिती मिळताच कान्हा फरार

पीडितेला शासकीय मदत

पोलिसांनी याप्रकरणी तातडीने पावले उचलत आरोपी सरताजला अटक केली आहे. पोलिसांनी सांगितले की, आरोपीला न्यायालयात हजर केले असता त्याची रवानगी तुरुंगात करण्यात आली आहे. तसेच, पीडितेला शासकीय योजनांचा लाभ मिळवून देण्यासाठी आवश्यक कागदपत्रांची पूर्तता करून संबंधित विभागाकडे पाठवण्यात येत आहे. पीडित मुलीला न्याय मिळवून देण्यासाठी पोलीस सर्वतोपरी प्रयत्न करत आहेत.