हे ही वाचा : अहिल्यानगर : वर्गशिक्षकाकडून 4 विद्यार्थीनींवर लैंगिक अत्याचार, नराधम न्यायालयाजवळ पोहोचताच महिलांनी झोडपलं

ऊसाच्या शेतात आढळली मानवी हाडे

या प्रकरणाची सुरुवात 8 जानेवारी 2025 रोजी झाली, जेव्हा सतवन पट्टी येथील अजीज अहमद यांनी आपली 16 वर्षांची मुलगी बेपत्ता झाल्याची तक्रार नोंदवली होती. तपासादरम्यान सप्टेंबर 2025 मध्ये कैलाश नदीकाठी एका उसाच्या शेतात मानवी हाडे, कपडे आणि केसांची वेणी सापडली. डीएनए चाचणीत ती हाडे अजीज यांच्या मुलीचीच असल्याचे स्पष्ट झाले. पोलिसांनी जेव्हा मोबाइल लोकेशन आणि सीडीआर तपासला, तेव्हा गावातील सलीम हुसेनची भूमिका संशयास्पद आढळली. सलीमचा पॉलिग्राफ टेस्ट करण्याचा निर्णय घेताच तो फरार झाला, ज्यामुळे पोलिसांचा संशय बळावला.

एका खूनाचा तपास करताना दुसऱ्याचा उलगडा

सलीम हुसेनला पकडल्यानंतर त्याने गुन्ह्याची कबुली दिली. त्याने सांगितले की, त्याने अल्पवयीन मुलीला रात्री उसाच्या शेतात बोलावून तिचा गळा आवळून खून केला आणि तिचा फोन नदीत फेकून दिला. मात्र, धक्कादायक बाब म्हणजे सलीमचा साथीदार 'डॉ. बंगाली' याने 2017 मध्ये आपल्या पत्नीचा, रजनीचाही सलीमच्या मदतीने खून केल्याचे कबूल केले. डॉ. बंगालीने सांगितले की, त्याचे पत्नीसोबत वारंवार वाद होत होते. पत्नी आपली हत्या करेल या भीतीने त्याने तिचा गळा दाबून खून केला आणि मृतदेह पुरून टाकला.

हे ही वाचा : दोन मुलांचा बाप असूनही दया-माया दाखवली नाही, विकृताने चिमुकलीला दातांनी इतकं छळलं की कोमात गेली

13 महिन्यांनंतर हत्येचा छडा

डॉ. बंगाली हा मूळचा पश्चिम बंगालचा असून त्याने आरएमपी डिप्लोमा केला आहे. त्याने पोलिसांना सांगितले की, त्याची आणि पत्नीची भेट 2006 मध्ये दिल्लीत झाली होती. आरोपी सलीमवर यापूर्वीच लूटमार आणि हत्येच्या प्रयत्नासारखे अनेक गुन्हे दाखल आहेत. 13 महिन्यांच्या अथक परिश्रमानंतर पोलिसांनी या दोन्ही खुनांचा छडा लावत गुन्हेगारांना तुरुंगात धाडले आहे. या घटनेमुळे परिसरात एकच खळबळ उडाली असून 'निळ्या ड्रम'मधील हत्येच्या भीतीची चर्चा रंगली आहे.