हे ही वाचा : आधी तिन्ही मुलांना फासावर लटकवलं आणि नंतर आईने प्यायलं डीझेल... नेमकं काय घडलं?

विळ्याने गळा चिरुन मुलाला संपवले

फिरोजाबाद परिसरातील मक्खनपूर भागातील ही घटना आहे. राजेश लोधी हा आपली पत्नी उर्मिला आणि दोन मुलांसह राहत होता. मयंक(12) आणि महिमा(14) अशी त्यांच्या दोन मुलांची नावं आहेत. राजेशला दारुचे व्यसन असून गेल्या 12 वर्षांपासून पती-पत्नीमध्ये वाद सुरु होते. उर्मिला एका खाजगी शाळेत शिक्षिका आहे. घटनेच्या दिवशी ती शाळेत गेली होती. तर मुलगी महिमा क्लाससाठी गेली होती. ही संधी साधून आरोपी राजेश याने आपल्या मुलाला संपवलं. राजेशने विळ्याने मयंकच्या चेहरा आणि मानेवर सपासप वार करुन त्याचा निर्घृण खून केला. त्यानंतर मुलाचा मृतदेह घरातील एका पेटीत कपड्यांच्या खाली दडवून तो तिथून पसार झाला.

उर्मिलाच्या माहेरच्या मंडळींनी केला राडा

दुपारी दोनच्या सुमारास उर्मिला शाळेतून घरी परतली, तेव्हा तिला घरभर रक्ताचे डाग दिसले. मुलगा मयंक कुठेही दिसत नसल्याने तिने तात्काळ पोलिसांना फोन केला. पोलिसांनी तीन तास कसून शोध घेतला असता, पेटीमध्ये कपड्यांच्या खाली मयंकचा छिन्नविछिन्न अवस्थेतील मृतदेह सापडला. दरम्यान, मयंकच्या हत्येची बातमी समजताच उर्मिलाच्या माहेरच्या लोकांनी घटनास्थळी धाव घेतली. आरोपी राजेशचे वडील आणि इतर नातेवाईक मुलाच्या हत्येनंतर तिथे आले नाहीत, यामुळे संतप्त झालेल्या मंडळींनी राजेशच्या वडिलोपार्जित घरावर जाऊन जोरदार राडा केला आणि घराची तोडफोड केली.

हे ही वाचा :  दुसऱ्या प्रियकराच्या मदतीने पहिल्या प्रियकराला संपवलं; विवाहित महिलेचं कृत्य, पोलिसही चक्रावले

दारुच्या आहारी गेलेला बाप

घटनेची माहिती मिळताच मोठ्या प्रमाणात पोलीस ताफा घटनास्थळी दाखल झाला. एसएसपी सौरभ दीक्षित यांनी सांगितले की, 'आरोपी राजेश हा दारुच्या आहारी गेला होता. कौटुंबिक वादातून त्याने हे टोकाचे पाऊल उचलले आहे. मृतदेह पोस्ट मार्टमसाठी पाठवण्यात आला असून पोलिस फरार आरोपीचा शोध घेत आहेत. परिसरातील सीसीटीव्ही फुटेजचीही तपासणी केली जात आहे.'