हे ही वाचा : पत्नीचे दुसऱ्याशी प्रेमसंबंध! तृणमूल काँग्रेसच्या नेत्याच्या मृतदेहाचे तुकडे करुन कालव्यात फेकले

अपहरण करुन 12 तास अत्याचार

9 फेब्रुवारीच्या रात्री विजय कुशवाहा (वीट भट्टी मालक) आपल्या दोन मित्रांसह चारचाकी वाहनातून आला आणि पीडितेचे अपहरण केले. यानंतर तिला परडौना नावाच्या ठिकाणी एका खोलीत नेऊन सुमारे 12 तास डांबून ठेवले आणि तिथे तिच्यावर अत्याचार करण्यात आले. या घटनेनंतर पीडितेने पोलिसांत धाव घेत तक्रार दाखल केली. मात्र, सुरुवातीला पोलिसांनी या प्रकरणाकडे दुर्लक्ष केल्याचा आरोप महिलेने केला आहे.

फक्त छेडछाड केल्याचा गुन्हा

धक्कादायक म्हणजे पीडितेने बलात्काराचा गंभीर आरोप केला असतानाही पोलिसांनी केवळ छेडछाडीचा गुन्हा दाखल केला आहे. भट्टी मालकाला चौकशीसाठी बोलावले असता तो हजर झाला नाही आणि सध्या तो फरार आहे. पोलिसांनी भट्टी मालक आणि त्याच्या दोन अज्ञात साथीदारांविरुद्ध गुन्ह्याची नोंद केली असली तरी, अद्याप कोणालाही अटक करण्यात आलेली नाही.

हे ही वाचा : अ‍ॅडिशनल प्रोफेसरने MD निवासी डॉक्टरवर लैंगिक अत्याचार केल्याचा आरोप, तात्काळ निलंबनाचे आदेश...

आरोपीचे राजकीय लागेबांधे

पीडित महिलेने आरोप केला आहे की, वीट भट्टी मालक राजकीय लागेबांधे असलेला व्यक्ती असल्याने पोलीस त्याची पाठराखण करत आहेत. त्यामुळे फक्त छेडछाडीचा गुन्हा दाखल करण्यात आला आहे. दुसरीकडे, पोलीस ठाण्याचे प्रभारी धीरेंद्र राय यांनी सांगितले की, महिलेच्या तक्रारीवरून गुन्हा दाखल करण्यात आला असून तपास सुरू आहे. प्राथमिक तपासात बलात्काराचे आरोप संशयास्पद वाटत असल्याने छेडछाडीचा गुन्हा नोंदवण्यात आला असल्याचे त्यांनी स्पष्ट केले आहे.