Elvish Yadav Arrested : युट्यूबर एल्विश अडकला, पोलिसांनी ठोकल्या बेड्या

Elvish Yadav Latest News : सोशल मीडिया इन्फ्लुअन्सर एल्विश यादवबाबत मोठी बातमी समोर आली आहे. नोएडा पोलिसांनी यूट्यूबर एल्विश यादवला अटक केली आहे. गेल्या महिन्यांपासून पोलीस त्याची सतत चौकशी करत होते. 

एल्विश यादवला का झाली अटक?

एल्विश यादव पुन्हा एकदा अडचणीत सापडला आहे. सापाच्या विषाप्रकरणी नोएडा पोलिसांनी कारवाई करत त्याला अटक केली आहे. युट्युबर एल्विशवर पार्टीमध्ये सापाचे विष वापरल्याचा आरोप आहे.

काय प्रकरण आहे?

8 नोव्हेंबर रोजी नोएडा पोलिसांनी रेव्ह पार्टीमध्ये सापाच्या विषाचा वापर केल्याप्रकरणी एफआयआर नोंदवला होता. युट्युबर एल्विश यादव हा देखील या प्रकरणात आरोपी आहे. पोलिसांनी पाच जणांना अटक केली होती. यामध्ये राहुल, टिटूनाथ, जयकरण, नारायण आणि रविनाथ यांचा समावेश आहे. पोलिसांना राहुलच्या नावावर 20 मिली विष आढळून आले.

एल्विशने काय मांडलेली आहे भूमिका?

हे प्रकरण उघडकीस आल्यानंतर एल्विशने इन्स्टावर एक व्हिडिओ पोस्ट करून त्याचे स्पष्टीकरण दिले होते. तो म्हणाला होता, मी सकाळी उठलो. मी ड्रग्जच्या व्यवसायात गुंतल्याच्या बातम्या माध्यमांमध्ये पाहिल्या. मला अटक करण्यात आली आहे. माझ्या विरुद्ध चाललेल्या सर्व गोष्टी मी तुम्हाला सांगतो. हे खोटं आहेत आणि माझा त्याच्याशी काहीही संबंध नाही.

हेही वाचा >> अकलूजच्या 'शिवरत्नवर' खलबतं! रामराजेंसह जयंत पाटलांची उपस्थिती; मोहिते पाटील काय डाव टाकणार?

“माझ्याबद्दल जे काही बोलले जात आहे त्यात तथ्य नाही. आरोप करून माझे नाव खराब करू नका. मी उत्तर पोलिसांना सहकार्य करण्यास तयार आहे. मी उत्तर पोलीस आणि मुख्यमंत्री योगी आदित्यनाथ यांना विनंती करू इच्छितो की, या प्रकरणात माझ्यावरील आरोपांपैकी 1% देखील सिद्ध झाले तर मी जबाबदारी घेण्यास तयार आहे. मी सर्वांना सांगू इच्छितो की कृपया कोणत्याही पुराव्याशिवाय माझे नाव बदनाम करण्याचा प्रयत्न करू नका. माझा त्याच्याशी अजिबात संबंध नाही."

हेही वाचा >> ठाकरेंना शिंदेंचे दोन झटके; जिल्हाप्रमुखानंतर आमदारही शिंदेंच्या सेनेत

या संपूर्ण प्रकरणात एल्विशने स्वत: निर्दोष असल्याचे म्हटले आहे. त्यानुसार त्यांचा या प्रकरणाशी काहीही संबंध नाही. मात्र नुकत्याच प्रसिद्ध झालेल्या एका ऑडिओ क्लिपमध्ये एल्विशचे नाव समोर आले आहे. ऑडिओमध्ये, अटक करण्यात आलेल्या आरोपी राहुल यादवने पीएफए (मेनका गांधींची संघटना पीपल्स फॉर ॲनिमल्स) सदस्याला सांगितले की त्याने हे ड्रग्ज एल्विशच्या पार्टीला पोहोचवले होते.

elvish सोशल मीडियावर आहे लोकप्रिय

एल्विशबद्दल सांगायचं झालं, तर एल्विश यादव सलमान खानच्या रिॲलिटी शो 'बिग बॉस ओटीटी 2' चा विजेता ठरला आहे. प्रथमच, एल्विशने इतिहास रचला होता, जिथे वाइल्ड कार्ड स्पर्धकाने बिग बॉस ट्रॉफी जिंकली होती. शो सोडल्यानंतर एल्विश अनेक म्युझिक व्हिडिओंमध्ये दिसला. एल्विश आणि माहिरा शर्माचे नवीन गाणे 'मेरे शहर में' १५ मार्च रोजी रिलीज झाले आहे. याला यूट्यूबवर खूप प्रेम मिळत आहे.