पलाश मुच्छलने स्मृती मानधनाच्या बालमित्राला 40 लाखांचा गंडा घातला, सांगलीच्या पोलीस अधिक्षकांकडे तक्रार दाखल

 ‘नजरिया’ चित्रपटाच्या निर्मितीसाठी तब्बल गुंतवले 40 लाख 

पलाश मुच्छल सांगलीत आल्यानंतर स्मृती मानधनाचे वडील श्रीनिवास मानधना यांनी विज्ञान माने आणि पलाश मुच्छल यांची ओळख करून दिली होती.
त्यानंतर पलाश मुच्छल याने ‘नजरिया’ या नवीन चित्रपटाची निर्मिती करत असल्याचे सांगत, या प्रोजेक्टमध्ये गुंतवणूक केल्यास चित्रपट लवकरच OTT प्लॅटफॉर्मवर प्रदर्शित होईल आणि गुंतवलेली रक्कम परत मिळेल, असे आश्वासन दिले. या विश्वासावर विज्ञान माने याने ‘नजरिया’ चित्रपटाच्या निर्मितीसाठी तब्बल 40 लाख रुपये गुंतवले.

हेही वाचा >: राज ठाकरेंनी मुभा दिली म्हणूनच KDMC मध्ये महायुतीला पाठिंबा, मनसेच्या माजी आमदाराने सगळं सांगितलं

तक्रारीनुसार, विज्ञान माने याने ही रक्कम वेळोवेळी रोख स्वरूपात तसेच गुगल पेच्या माध्यमातून पलाश मुच्छल याला दिली आहे. या व्यवहारांचे पुरावेही तक्रारीसोबत जोडण्यात आले आहेत. मात्र, संबंधित चित्रपटाचे काम पूर्ण झाले नाही. त्यानंतर विज्ञान माने यांनी आपली गुंतवणूक परत मागितली असता पलाश मुच्छल याने वेळकाढूपणा करत सतत नवे वायदे दिले. पुढे पलाश मुच्छल याने विज्ञान माने यांचे फोन उचलणे टाळण्यास सुरुवात केली आणि अखेरीस त्यांचा मोबाईल नंबरही ब्लॉक केल्याचा आरोप करण्यात आला आहे. 

दीर्घकाळ प्रतीक्षा करूनही पैसे न मिळाल्याने अखेर विज्ञान माने यांनी सांगली जिल्हा पोलीस अधीक्षकांकडे आर्थिक फसवणूक झाल्याची अधिकृत तक्रार दाखल केली आहे. या प्रकरणी आपल्याला न्याय मिळावा, अशी मागणी तक्रारदार विज्ञान माने यांनी केली असून, पोलीस प्रशासन या तक्रारीवर पुढील काय कारवाई करते, याकडे लक्ष लागले आहे.

इतर महत्त्वाच्या बातम्या 

बीड हादरलं! बायकोचं परपुरुषाशी अनैतिक संबंध, नवऱ्याने बायकोच्या त्रासाला कंटाळून साडीने गळाफास घेत संपवलं जीवन