होम
राजकीय आखाडा
गुन्ह्यांची दुनिया
शहर-खबरबात
राशीभविष्य-धर्म
पैशाची बात
फोटो बाल्कनी
हवामानाचा अंदाज
टॉपिक
IAS success story : देशातील सर्वात कठीण आणि प्रतिष्ठित परीक्षांपैकी एक असलेली यूपीएससी (UPSC) परीक्षा उत्तीर्ण होणे हे दरवर्षी लाखो विद्यार्थ्यांचे स्वप्न असते. मात्र ही वाट अजिबात सोपी नाही. अनेक विद्यार्थी वर्षानुवर्षे मेहनत घेतात, अनेकदा अपयश पचवतात आणि शेवटी यशाच्या शिखरावर पोहोचतात. तर काही जण असेही असतात की आपल्या जिद्द, आत्मविश्वास आणि चिकाटीच्या जोरावर पहिल्याच प्रयत्नात इतिहास रचतात. अशीच प्रेरणादायी कहाणी आहे दिव्या तंवर हिची... घरची परिस्थिती बेताची असताना तिने देशातील सर्वात अवघड असलेली परीक्षा यशस्वीपणे दिली.
ADVERTISEMENT
संघर्षमय बालपण आणि शिक्षण
हरियाण्यातील महेंद्रगड जिल्ह्यातील रहिवासी असलेल्या दिव्या तंवर यांचे आयुष्य संघर्षांनी भरलेले होते. त्यांनी प्राथमिक शिक्षण शासकीय शाळेतून पूर्ण केले आणि पुढील शिक्षण नवोदय विद्यालय, महेंद्रगड येथून घेतले. दिव्या लहानपणापासूनच बुद्धिमान आणि अभ्यासू होत्या. शिक्षणात त्यांची रुची एवढी प्रखर होती की विज्ञान शाखेत पदवी पूर्ण करताच त्यांनी यूपीएससी परीक्षेची तयारी सुरू केली.
हेही वाचा : दिल्ली हादरली! तरुणी विद्यापीठात जात होती, ओळखीच्याच तरुणाने थेट तिच्यावर अॅसिड फेकलं, नंतर तरुणीचा...
कोचिंगशिवाय मिळवले यश
दिव्याने 2021 साली पहिल्याच प्रयत्नात यूपीएससी परीक्षा उत्तीर्ण करत ऑल इंडिया रँक 438 मिळवली. तेव्हा तिचे वय केवळ 21 वर्षे होते. तिचे यश विशेष ठरले कारण तिने कोणत्याही कोचिंग संस्थेची मदत न घेता स्वतःच्या मेहनतीवर हे यश मिळवले. रंतु दिव्या इथेच थांबल्या नाहीत. त्यांनी पुढील वर्षी म्हणजे 2022 मध्ये पुन्हा परीक्षा दिली आणि यावेळी आणखी उज्ज्वल यश मिळवत ऑल इंडिया रँक 105 मिळवली. या रँकसह त्यांनी आपले स्वप्न पूर्ण केले आणि आयएएस अधिकारी होण्याचा मान प्राप्त केला.
आर्थिक अडचणींवर मात
दिव्याच्या यशामागे तिच्या परिश्रमांइतकाच तिच्या आईचा मोठा वाटा आहे. तिच्या वडिलांचे निधन लवकर झाले आणि घराची सर्व जबाबदारी आईच्या खांद्यावर आली. आईने मजुरी करून तिन्ही मुलांचे पालनपोषण केले आणि दिव्याच्या शिक्षणात कधीही अडथळा येऊ दिला नाही. दिव्या नेहमी म्हणते, “जर माझ्या आईने हिम्मत दाखवली नसती, तर आज मी इथपर्यंत पोहोचले नसते.”
बालपणापासून आयएएस होण्याचे स्वप्न
दिव्याला आयएएस बनण्याची प्रेरणा शालेय जीवनातच मिळाली. एकदा त्यांच्या शाळेत एक आयएएस अधिकारी प्रमुख पाहुणे म्हणून आले होते. त्यांच्या व्यक्तिमत्त्वाने, वर्दीने आणि समाजासाठीच्या जबाबदारीच्या भावनेने दिव्याला खोलवर प्रभावित केले. त्या दिवसापासूनच तिने ठरवले की तिलाही आयएएस व्हायचे आणि देशासाठी काहीतरी करायचे.
सोशल मीडियावरही प्रेरणादायी व्यक्तिमत्त्व
आज दिव्या तंवर सोशल मीडियावरही लोकप्रिय आहे. इंस्टाग्रामवर तिचे सुमारे 90 हजार फॉलोअर्स आहेत. ती आपल्या प्रवासाबद्दल, संघर्षांविषयी आणि प्रेरणादायी विचारांविषयी नियमित पोस्ट करत असते. तिच्या गोष्टी केवळ यूपीएससीची तयारी करणाऱ्यांनाच नव्हे, तर आयुष्यात पुढे जायची इच्छाशक्ती असलेल्या प्रत्येक व्यक्तीला प्रेरणा देतात.
इतर महत्त्वाच्या बातम्या
दारुचं व्यसन अन् लग्नही ठरेना, रत्नागिरीतील 32 वर्षीय दिव्यांग तरुणाची गळफास घेऊन आत्महत्या
ADVERTISEMENT
